Kadirov javohir yaxshimurat ulí “imaratlardíŃ injenerlik kommunikaciyalarín joybarlawda alternativ energiyalardan paydalaníW”

I bap boyınsha juwmaq
1. Óz-ózin suwdan bosatıwshı, yaǵnıy drenaj etetuǵın geliokonturlar ÍSÍTÍW sistemalarında quyash kollektorların qıs waqtında muzlawdan qorǵaw ushın ámeliyatta júdá keń qollanılıp atır. Dúnyanıń bir qatar jetekshi kompaniyaları óz-ózin drenaj etetuǵın gelioqurılmalarınıń bólek bólimlerin hám de pútin komplekt blokların islep shıǵarıwdı jolǵa qoyǵan. Bunday qurılmalar texnikalıq sheshimleriniń analizi sonı kórsetedi, olar ıssılıq tasıwshısın cirkulyasiya etiwge úlken muǵdarda elektr energiyasın sarp etiw etedi. Óytkeni geliokonturdaǵı ıssılıq tasıwshısınıń aylanıwı aǵıs úzilisi menen júz boladı hám nasos quyash kollektorları hám de drenaj baki arasındaǵı biyiklikke teń bolǵan aralıqqa hár mudam suwdı kóteredi.
2. Óz-ózin drenaj etetuǵın gelioqurılmalardıń natiyjeliligin asırıw ushın bir qatar oylap tabılǵanlar islep shıǵılǵan. Olar arasında geliokonturda aǵıs úzilisin oǵan jergilikli qarsılıq kirgiziw menen aldın alatuǵın texnikalıq sheshimlerden paydalanıw ilimiy hám ámeliy kóz qarastan qızıqlı bolıp tabıladı. Jergilikli qarsılıq retinde venturi trubadan paydalanıw maqsetke muwapıq bolıp tabıladı, sebebi ol jaǵdayda basım joǵalıp ketiwin minimal bahalarǵa keltiriw múmkin.
3. Geliokonturlarda ıssılıq tasıwshılardıń sarpı kishi bolǵanı sebepli venturi trubasınıń keń hám toraygan bólimleri diametrleriniń qatnası óz-ózin drenaj etetuǵın gelioqurılmalarda úlken boladı, ádetde 2 den 5 ke shekem, sol sebepli bunday shegaralardaǵı venturi trubasınıń jergilikli qarsılıq koefficientleriniń bahaların anıqlaw zárúr.
4. Gelioqurılmanıń tuwrı islew ushın málim bir shártlerdi orınlaw zárúr. Sistemanı jumıs jaǵdayında saqlaw boyınsha, tiykarǵı qaǵıydalardan biri sırtqı ortalıq tásiri astında bolǵan panellerdi dáwirli túrde tazalap turıwdan ibarat. Bunnan tısqarı proflaktikalıq kóriklerdi ótkeriw ámeliyatı bar. Buǵan islewish jayları, muftalar, birikpeler hám basqalardı tekseriw kiredi. Usınıń menen birge, qurılmanıń nátiyjeli islewin támiyinleytuǵın qadaǵalaw qurılmaları temperatura datchikleri hám qaqpaqlar jumısların tekseriw zárúr. Gúzgi qısqı máwsim aldından tekseriw ótkeriw hám zárúr bolsa, baslanǵısh konturda antifirizdi almastırıw zárúr.