Касб психологияси шахсда касбга доир билим, кўникма, малакаларни шунингдек

 
Иродавий зўр бериш – мақсадни амалга ошириш учун объектив ва субъектив 
қийинчиликларни бартараф қилишда намоён бўладиган нерв ҳамда ирода кучи. 
 
Иродаси бўшлик – шахснинг бирор фаолият турини бажариш учун ўзини мажбур 
қила олмаслик ёки ўз ҳаракатларини ўз мақсадларига бўйсундира олмасликдан иборат 
салбий характер хислати. 
Истеъдод – инсон қобилиятлари тараққиётининг энг юксак даражасини 
таъминловчи туғма табиий имкониятлар йиғиндиси. 
Итоатгўйлик - катталарга бўйсуниш ёки уларнинг изидан чиқмасликдан иборат 
ижобий характер хислати ёки одат. 
Ихтиёрий ҳаракатлар – импульсив ва автоматлашган ҳаракатлардан фарқ қилиб, 
мақсадга мувофиқ равишда бажариладиган онгли ҳаракатлар. 
Ихтисослашган меҳнат – муайян касбга доир махсус билимлар, кўникмалар, 
малака ва маданий одатларнинг таркиб топиши ҳамда ривожланишини талаб қиладиган 
меҳнат. 
Иш қобилияти – шахснинг муайян фаолият турини муваффақиятли амалга 
ошириш учун зарур бўлган жисмоний ҳамда психик функциялари йиғиндиси. 
Иш усулларини тасвирлаш – меҳнат психологияси соҳасидаги илмий текшириш 
ишларида алоҳида иш усуллари ёки малакаларни уларнинг бажарилиш тартиби бўйича 
тасвирлашдан иборат текшириш методи. 
Камтарлик – шахснинг атрофдаги кишилар билан оддий муомалада, ўзига 
танқидий муносабатда бўлиши, ўзгаларни ҳурмат қилиши, мақтанмаслиги каби бир қанча 
ижобий сифатлар билан белгиланадиган характер хислати. 
Касб – шахснинг жамият аъзоси сифатида яшаш манбаи бўлиб хизмат қиладиган 
доимий машғулот ёки фаолият тури. 
Касб касаллиги – муайян касб соҳасидаги психик ёки шу касбнинг кўпчилик 
вакилларига хос бўлган касаллик.
Касб психологияси – меҳнат психологиясининг касбларни психологик 
компонентларини ёки муайян касбда ишловчиларга нисбатан қўйиладиган психологик 
талабларни ўрганиш ҳамда илмий таҳлил қилиш билан шуғулланувчи бўлим.