Keyingi yillarda Respublikamizda qishloq xo‘jaligini rivojlantirish va yetishtirish bo‘yicha hamda qishloq xo‘jalik xom ashyolarini qayta ishlashga qaratilgan bir qator qonunlar qabul qilinib, amalda tadbiq etilmoqda

Alifatik uglevodorodlar. Benzin-erituvchi, o‘simlik moylari ishlab-chikarishda keng qullaniladi. Moy ekstraktsiya sanoatida ishlatiladigan benzin neftni krekinglab olingan mahsulot bo‘lib, u arzon, moylar yaxshi eriydi va qurilmalarga nisbatan neytral. Benzin suvda erimaydi. Tez portlovchi benzin bug‘larining past kontsentratsiyasi 1,2%, yuqori kontsentratsiyasi 7%. Benzin buglari havodan 2,7 marotiba og‘ir, shu sababdan ham ular polda va burchaklarda tuplanadi.
Geksan erituvchi, yengil uchuvchan suyuqlik, molekulyar massasi 86,2, 15,5^0C haroratdagi zichligi 663 kg/m, qaynash harorati 66,7–69,3^0C, tarkibida aromatik va tuyinmagan uglevodorodlar saqlamaydi.
Propan va butan – kelajakdagi erituvchi. Bu erituvchilarning uziga xos xususiyati shundaki ular 0,4 – 1,2 Mpa bosimda qullanilganda ekstraktsiya jarayoni 2-3 marta tezlashadi. Bu erituvchilar moy bilan birga kam miqdordagi boshka moddalarni ekstraktsiyalaydi.
Propan va butanni shrot tarkibidan bug‘latish harorati 25 ⁰C dan 40 ⁰C gacha.
Alifatik uglevodorodlarning xlorli birikmalari-bu erituvchilarga:
-dixloretan CN₂Cl-CH₂Cl
-trixloretan CNCl-CCl
- xloroform CNCl₃
- to‘rtxlorli uglerod CCl₄.
Bu birikmalar juda ham zaharli va agressiv bo‘lganligi uchun sanoat miqyosida ishlatilmaydi. Bu birikmalar juda ham kuchli erituvchi,ular yonmaydi.
Aromatik uglevodorodlar. Benzol molekulyar massasi 78.12 va qaynash harorati 80,20 ⁰C bo‘lgan suyuqlik. O‘z-o‘zidan alangalanish harorati 580 ⁰C.
Benzol suvda yaxshi erimaydi.100 g suvda 20 ⁰C harorati 0.08 g benzol eriydi. Moylarni benzolni erishi xuddi benzindagidek. Benzol juda zaharli bo‘lganligi uchun sanoatda ishlatilmaydi. Benzol Xitoy xalq respublikasida moy olishda erituvchi sifatida ishlatiladi.
Alifatik keton, atseton CH₃COCH₃ - bu o‘ziga xos hidli suyuqlik. Molekulyar massasi 58.08 qaynash harorati 56 ⁰C. o‘z-o‘zidan alangalanish harorati 500 ⁰C. Atseton suvda yaxshi eriydi. Moylar atsetonda xuddi benzindagidek eriydi. Atsetonning o‘ziga xos xususiyati shundaki unda fosfatidlar erimaydi.
Etil spirti C₂H₅OH . Sifatli erituvchi sifatida ishlatilishini afzalligi shundagi, moy etil spirtida 120 ⁰C da yaxshi eriydi va 16-24⁰C ga sovitilganda spirt moydan ajraladi. Shu yo‘l bilan mistsellaga issiqlik ta‘sir etmasdan spirtni ajratib olish mumkin.
Spirt bilan ekstraktsiya qilganda moy bilan birga unga yo‘ldosh bo‘lgan(fosfatidlar, rang beruvchi va bosh) moddalar spirtdan ajralmaydi. Moydan ajratilgan spirt rektifiatsiyasiz ekstraktsiyalashda ishlatiladi. Qachonki spirtning kontsentratsiyasi 95 % dan kamaysa u rektifikatsiya qilinib keyin ekstraktsiyaga ishlatiladi.