Кимё фанидан абитуриентлар

И Ш қ О Р И Й - Е Р М Е Т А Л Л А Р.
630. Ишқорий-ер металларга умумий тавсиф беринг. Ишқорий-ер металлар даврий жадвалда IIA гуруҳда жойлашган. Ишқорий-ер металлар деган ном Ве ва Mg га нисбатан қўлланилмайди. Ве амфотер металл, қолган барчаси типик металлар. Барчасининг ташқи қобиғи ns² кўринишда. Валентликлари ўзгармас II, оксидланиш даражалари +2.
631. Ишқорий-ер металларнинг табиатда учраши. Ишқорий-ер металлар ичида табиатда энг кўп тарқалгани Са ва Mg. Уларнинг миқдори 2-2,5 % атрофида. Ишқорий-ер металлар табиатда эркин ҳолатда учрамайди, фақат бирикмалар ҳолида учрайди. Асосий бирикмалари: СаСО₃-мармар, бўр, оҳактош, СаСО₃·MgCO₃-доломит, MgCO₃-магнезия, Ca₃(PO₄)₂-апатит.
632. Ишқорий-ер металларнинг олиниши. Ишқорий-ер металлар асосан электролиз усулида олинади. Электролиз учун уларнинг галоидлари суюқланмаларидан фойдаланилади: СаCl₂ Са+Cl₂.
633. Ишқорий-ер металларнинг кимёвий хоссалари. Ишқорий-ер металларнинг фаоллиги ишқорий металларникидан камроқ. Оддий ҳароратда Ве ва Mg нинг сирти оксид парда билан, қолганлариники гидроксид ва
карбонат парда билан қопланади. Шунинг учун Са ва Ва керосин остида сақланади. Улар учун хос реакциялар:
а)бирикиш: 2Ме+O₂=2MeO; 3Me+N₂=Me₃N₂; Me+S=MeS; Me+Cl₂=MeCl₂; (Ca,Ba)+H₂=MeH₂.
б)ўрин олиш: Me+2H₂O=Me(OH)₂+H₂; Me+H₂SO₄=MeSO₄+H₂; Be+2KOH=K₂BeO₂+H₂.
в)оксидланиш-қайтарилиш: 4Me+10HNO₃=4Me(NO₃)₂+NH₄NO₃+4H₂O 4Me+5H₂SO₄=4MeSO₄+H₂S+4H₂O
634. Ишқорий-ер металларнинг оксидлари. ВеО-амфотер оксид, қолганлари асосли оксидлар. ВеО сувда эримайди,
MgO бироз эрийди, қолганлари шиддат билан бирикади: MeO+H₂O=Me(OH)₂. Оксидларга хос реакциялар: MeO+CO₂=MeCO₃; MeO+SO₃=MeSO₄ BeO+2KOH=K₂BeO₂+H₂O; MgO+H₂SO₄=MgSO₄+H₂O
635. Ишқорий-ер металларнинг гидридлари. Ишқорий-ер металларнинг гидридлари ионли боғ ланишга эга. Сув ва кислоталар таъсирида парчаланади: СаН₂+2Н₂О=Ca(OH)₂+2H₂; BaH₂+2HCl=BaCl₂+2H₂.
636. Ишқорий-ер металларнинг гидроксидлари. Ве(ОН)₂-амфотер хоссага эга. У кислота ва ишқорларда эрийди:
Be(OH)₂+2HCl=BeCl₂+2H₂O Be(OH)₂+2KOH=K₂BeO₂+2H₂O. Ҳосил бўлган тузлар бериллатлар деб аталади. Mg(OH)₂-сувда эримайдиган асос.Кислоталарда эрийди: Mg(OH)₂+2HCl=MgCl₂+2H₂O. қиздирилганда парчаланади: Mg(OH)₂=MgO+H₂O. қолган металларнинг асослари сувда эрийди ва ишқорлар ҳосил қилади. Улар кислоталар ва уларнинг ангидридлани билан таъсирлашади: Са(ОН)₂+SO₃=CaSO₄+H₂O Са(ОН)₂+H₂SO₄=CaSO₄+2H₂O
Бу асослар ўртача қиздирилганда парчаланмайди.
637. Ишқорий-ер металларнинг тузлари. IIA гуруҳ металларининг барча нитратлари, кальций ва магнийнинг
фторидидан бошқа барча галогенидлари сувда эрийди, барчасининг карбонатлари, силикатлари ва фосфатлари эримайди. Бериллий ва магнийдан бошқаларининг сульфатлари эримайди. Сульфатларнинг эрувчанлиги Ве дан Ва га томон камаяди. Сульфатлар ва хлоридлари кристаллгидрат ҳосил қилади, карбонат ва фосфатлари кристаллгидрат ҳосил қилмайди. Бериллий ва барийнинг барча тузлари заҳарли. Бериллий бирикмалари ширин таъмли, шунинг учун у дастлаб кашф этилган вақтда глициний деб аталган.
638. Ишқорий-ер металларнинг пероксидлари. Ишқорий-ер металлардан Са ва Ва пероксид ҳосил қилади. Пероксидлар гидролизга учрайди: СаО₂+2H₂O=Ca(OH)₂+H₂O₂. қиздирилса, парчаланади: 2СаО₂=2СаО+О₂.
639. Сувнинг қаттиқлиги ва унинг турлари. Сувнинг қаттиқлигини ундаги Ca⁺² ва Mg⁺² тузлари келтириб чиқаради. Сувнинг қаттиқлиги икки хил бўлади: вақтинча ва доимий а)вақтинча(муваққат, карбонатли) қаттиқликни Са(НСО₃)₂ ва Mg(HCO₃)₂ тузлари келтириб чиқаради. б)доимий(карбонатсиз) қаттиқликни CaSO₄, MgSO₄ ва бошқа сувда эрувчан тузлар келтириб чиқаради.
640. Сувни юмшатиш усуллари. Муваққат қаттиқликни йўқотиш усуллари қуйидагилар:
а)қайнатиш: Ме(НСО₃)₂=МеСО₃↓+H₂O+CO₂. б)оҳак усули: Ca(HCO₃)₂+Ca(OH)₂=2CaCO₃+2H₂O
Доимий қаттиқлик сода усулида йўқотилади: MeSO₄+Na₂CO₃=MeCO₃↓+Na₂SO₄.