Кимё фанидан абитуриентлар

И Ш қ О Р И Й М Е Т А Л Л А Р.
620. Ишқорий металларга умумий тавсиф беринг. Ишқорий металлар даврий жадвалнинг IA гуруҳида жойлашган. Уларга литий Li, натрий Na, калий K,рубидий Rb, цезий Cs, франций Fr киради. Барчасининг ташқи қобиғи ns² кўринишида. Валентликлари доимий I. Оксидланиш даражалари +1.
621. Ишқорий металларнинг табиатда учраши. Ишқорий металлар ичида табиатдаги миқдори бўйича энг кенг тарқалганлари натрий ва калий. Улар ҳар бири Ер қобиғи массасининг ўртача 2,5 % ини ташкил этади. Ишқорий металлар табиатда фақат бирикмалар ҳолида учрайди. Асосий бирикмалари: NaCl-ош тузи,тоштуз ёки галит, KCl·NaCl-сильвинит, KCl·MgCl₂-карналлит, Na₂SO₄·10H₂O-мирабилит ёки Глаубер тузи, NaNO₃-Чили селитраси, Na₃AlF₆-криолит.
622. Ишқорий металларнинг олиниши. Ишқорий металлар улар галоидларининг суюқланмала-
рини электролиз қилиб олинади: 2NaCl 2Na+Cl₂.
623. Ишқорий металларнинг физик хоссалари. Ишқорий металлар юмшоқ, пичоқ билан осон кесилади.
Li~Na~K~Rb~Cs~Fr қаторида қорий металларнинг зичлиги ортиб боради, НЭМ, суюқланиш ва қайнаш ҳароратлари ҳамда ионланиш энергиялари камайиб боради.
624. Иш металларнинг кимёвий хоссалари. Ишқорий металлар жуда фаол. Очиқ ҳавода уларнинг сирти дарҳол оқиш кулранг парда билан қопланади. Бу парданинг таркиби Ме₂О, МеОН, Ме₂СО₃ лар аралашмасига жавоб беради(литийда Li₃N ҳам бор). Шунинг учун улар керосин остида сақланади. Ишқорий металлар учун қуйидаги реакциялар хос:
1)бирикиш: а)6Me+N₂=2Me₃N; бу реакцияга оддий ҳароратда фақат литий киришади, қолганлари қиздирилганда.
б)4Me+O₂=2Me₂O; бу реакцияда фақат литий оксид ҳосил қилади, қолганлари пероксид. в)2Me+S=Me₂S; 2Me+Cl₂=2MeCl; 3Me+P=Me₃P 2Me+H₂=2MeH; 2)ўрин олиш: 2Me+2H₂O=2MeOH+H₂; 3)оксидланиш-қайтарилиш: 8Me+5H₂SO₄=4Me₂SO₄+H₂S+4H₂O 8Me+10HNO₃=8MeNO₃+NH₄NO₃+3H₂O
625. Ишқорий металларнинг оксидлари. Ишқорий металлар асосли оксид Ме₂О ҳосил қилади. Уларга ишқорлар МеОН мос келади. Ишқорий металлар оксидлари сувда ва кислоталарда осон эрийди: K₂O+H₂O=2KOH; K₂O+2HCl=2KCl+H₂O. Кислотали оксидлар билан таъсирлашади: К₂О+СО₂=К₂СО₃. Оксидлар ионли тузилишга эга.
626. Ишқорий металларнинг гидридлари. Ишқорий металларнинг гидридлари МеН ионли тузилишга эга. Улар сув ва кислоталар билан таъсирлашади: NaH+H₂O=NaOH+H₂; NaH+HCl=NaCl+H₂O.
627. Ишқорий металларнинг гидроксидлари. Ишқорий металларнинг гидроксидлари қуйидаги усулларда олиниши мумкин: а)2Na+2H₂O=2NaOH+H₂; б)K₂O+H₂O=2KOH в)KH+H₂O=KOH+H₂.
Уларнинг асос хоссалари литийдан францийга томон ортади. Гидроксидлар учун қуйидаги реакциялар хос:
а)алмашиниш: 2KOH+CO₂=K₂CO₃+H₂O 2KOH+CuCl₂=Cu(OH)₂+2KCl
б)нейтралланиш: KOH+HNO₃=KNO₃+H₂O
628. Ишқорий металларнинг тузлари. Ишқорий металларнинг деярли барча тузлари сувда яхши эрийди. Уларнинг кучсиз кислоталар билан ҳосил қилган тузлари(карбонат, сульфид, сульфит, силикат) эритмалари ишқорий муҳитга эга. Ишқорий металлар галогенидлари, сульфатлари, сульфидлари, фосфатлари ўртача қиздирилганда парчаланмайди. Карбонат, гидрокарбонат, сульфит, нитратлари парчаланади: Ме₂СО₃=Ме₂О+CO₂; 2MeHCO₃=Me₂CO₃+H₂O+CO₂;
Ме₂SО₃=Ме₂О+SO₂; 2MeNO₃=2MeNO₂+O₂. Тузларининг ишлатилиши: NaCl-ош тузи, NaNO₃ ва KNO₃-селитралар Na₂CO₃-кальцинациланган сода, Na₂CO₃·10H₂O-кристалл сода, NaHCO₃-ичимлик сода, K₂SO₄-минерал ўғит, K₂CO₃-поташ, совун пишириш Ва шиша тайёрлашда ишлатилади ,K₃PO₄-минерал ўғит.
629. Ишқорий металларнинг пероксидлари. Ишқорий металлар кислород билан бирикканда пероксид Na₂O₂ ёки супероксид К₂О₄ ҳосил қилиши мумкин. Пероксидлар парчаланади: 2Na₂O₂=2Na₂O+O₂.
Улар ҳавони регенерация қилиш хусусиятига эга: 2Na₂O₂+2CO₂=2Na₂CO₃+O₂. Супероксидлар кучли оксидловчи моддалар. Улар қиздирилганда ёки зарб таъсиридан портлаши мумкин.