L. B. Okun Elementar bóleksheler
Download 2.39 Mb. Pdf ko'rish
|
okunlat
|
Antibólekshe (berilgen bólekshege qarata) — tap sonday massaǵa, spinge, jasaw waqıtına
iye, biraq barlıq zaryadlıq kvant sanları qarama-qarsı belgige iye bolǵan bólekshe. Zaryadlıq kvant sanı degende bul jerde elektr zaryadı, leptonlıq kvant sanı (geyde leptonlıq zaryad dep ataladı), barionlıq kvant sanı (geyde barionlıq zaryad dep ataladı), giperzaryad, reńli zaryad hám t. b. túsiniledi. Mısalı, elektronnıń antibólekshesi pozitron, al pozitronnıń antibólekshesi elektron bolıp tabıladı. Tap usınday juptı proton menen antiproton da payda etedi (𝑝 hám 𝑝̃). Neytron menen antineytronnıń ekewi de neytral bóleksheler bolıp tabıladı hám bir birinen barionlıq zaryadtıń belgisi hám magnit momentiniń belgisi menen ayrıladı. Σ + - giperonnıń antibólekshesi barionlıq zaryadınıń belgisi Σ + -barionnıń zaryadınıń belgisindey bolǵan Σ - bolıp tabılmaydı, al 𝛴̃ − - giperon bolıp tabıladı (geyde onı 𝛴̃ + túrinde de belgileydi). Bóleksheni qanday belgi menen belgilese, antibóleksheni de tap sonday belgi menen, biraq belginiń ústine "tilda" belgisin yamasa belginiń ústine sızıqsha qoyıw menen belgileydi. Bunday belgilew júdá qolaylı emes, sebebi bóleksheler menen antibóleksheler arasındaǵı teńdey huqıqtıń orın alatuǵınlıǵın saqlamaydı. Biraq onnan jaqsı bolǵan belgilewdi ele oylap tapqan joq. Hesh qanday zaryadlıq kvantlıq sanlarǵa iye bolmaǵan bólekshelerdi haqıyqıy neytral bóleksheler dep ataydı. Olardıń ózleri ózleriniń antibóleksheleri bolıp tabıladı. Haqıyqıy neytral bolǵan bólekshelerge mısallar: foton, π°-mezon, η-mezon, η'-mezon, f-mezon, sharmoniydiń qáddileri, ipsiloniydiń qáddileri. Aromat (ingliz tilindegi flavour sózinen) - kvarktıń (berilgen reńdegi) yamasa leptonnıń tipiniń хarakteristikası. Kvarklardıń 6 aromatı: i, d, s, s, b (altınshı t-kvark házirshe ashılǵan joq) — hám leptonlardıń 6 aromatı: e, μ, τ, v e , ν μ , ν τ belgili. Aromat kúshli hám elektromagnit tásirlesiwlerde saqlanadı, biraq ázzi tásirlesiwlerde 105 saqlanbaydı. Stranje, sharm hám but sıyaqlı kvant sanları hár qıylı aromatlardı kórsetedi. Download 2.39 Mb. Do'stlaringiz bilan baham: 
|