M. Dáwletov, Sh. Allaniyazova, D. Seytqasımov, A. Dáwletova

51-shınıǵıw. Tómendegi berilgen sózlerdi bayanlawısh etip gáp 
qurań.
Aldında, segiz, qala, mınaw, az, kóp, Shımbay, kerek, 
joqarıda.
Úlgi: Qaraqalpaqstannıń arqa rayonlarınıń biri — Shımbay.
52-shınıǵıw. Oqıń. Bayanlawıshtı tawıp, olardıń qanday soraw-
larǵa juwap berip turǵanın hám qanday sóz shaqaplarınan bol-
ǵanın aytıń.
1. Qır dógerek Qazanketken hám Bayxojaǵa deyin 
kók alay teńizge aylandı. (I. Q.) 2. Biyik tawlardıń tóbesi 
appaq bolıp kórinedi. (A. B.) 3. Tawdıń tasları sap-sarı 
merwerttey dóndi. (J. A.) 4. Jaqsınıń ózi ólse de, sózi 
ólmeydi. (naqıl) 5. Bizler ekewlep atızǵa suw ashtıq. (Ó. A.) 
6. Birewden ekew jaqsı. (naqıl) 7. Onıń aldında endi 500 

---

42
bas qoy. (J. S.) 8. Mekteptiń aldında eki gújim terek bar.
9. Aǵamnıń baǵıp júrgen qoyları bes júz. (Ó. A) 10. Ózi 
qattı miynetkesh adam. (I. Yu.)
53-shınıǵıw. Kóshirip jazıń. Baslawıshtıń astın bir, bayanla-
wıshtıń astın eki sızıń. Olardıń qanday sorawlarǵa juwap berip 
turǵanın hám qanday sóz shaqaplarınan bolǵanın túsindiriń.
1. Táńirbergen únsiz. Qasım da qarańǵı hám tilsiz kó-
ringen biytanıs álemge qarap qalǵan. Táńirbergen ádewir 
únsizlikten keyin ornınan turdı da, Qasımnıń qaptalına 
jaqınlastı. 2. Waqıt tezlik penen ótip ketti. Korabl Shol-
pannıń orbitasına kire basladı. Kóp uzamay-aq, planeta-
nıń tawlı jıraları anıq kórine basladı. Kosmodrom bolsa 
kerek. 3. Men alaqanımdaǵı altın teńgege qarap tereń oyǵa 
berildim. Qádimgi ata-babamdı sergizdanǵa salǵan altın 
aqsha! Ornına taslap ketsem be eken? Bunı qatar-qurbım, 
mekteples doslarım kóriwi tiyis. Sonda ǵana olar házirgi 
altın dáwirimizdiń qádirine jetedi. Baxıtlı altın zamanımız 
barda, altın aqshanıń keregi joq! (S. Ismayılov)
54-shınıǵıw. Tekstti oqıń. Hárbir gáptegi baslawısh hám 
bayanlawıshlardı tawıp, olardıń sorawların hám qanday sóz sha-
qabınan bolǵanın aytıń.