M. G. Safin,D. G‘. Hayitov, yu. S. Ruziyev

Darsning maqsadi. Dializ to‘qimalarning yarim 
o‘tkazuvchanligiga asoslangan bo‘lib, kollodiy yoki 
sellofan xaltachadan past molekulali birikmalarni 
o‘tishi, oqsil kabi yuqori molekulyar birikmalarni 
saqlanib qolishi va oqsillarning izoelektrik nuqtalarini 
o‘rganishga oid bilimlarni tajribalar asosida 
mustahkamlash.
 
 
21-ish. Oqsillarni dializlash 
Kerakli biomaterial: (NH
4
)
2
SO
4
aralashgan tuxum 
oqsili eritmasi. 
Kerakli jihozlar:uzunligi 4-5 sm, diametri 2,5-3 
sm li probirka, sellofan, shisha tayoqcha, rezina halqa, kimiyoviy stakan. 
Kerakli reaktivlar:kollodiyning spirtli eritmasi, bariy xloridning 1 % li 
eritmasi, NaOH ning 10 % li eritmasi, CuSO
4
ning 1 % li eritmasi, BaCl
2 
ning 1% li eritmasi. 
1-tajriba.Kollodiy xaltacha tayyorlash 
Ishni bajarish tartibi. Toza quruq probirka (diametri 2,5-3 sm, 
uzunligi 4-5 sm) og‘zigacha kollodiy eritmasi quyib, qaytadan idishga 
ag‘darib olinadi. Agar kollodiy ozroq bo‘lsa, probirkani 1/3 qismiga eritma 
quyib, probirkani asta-sekinaylantirib devorining hamma tomonini 
kollodiy xaltacha eritmasi bilan batamom ho‘llanadi,probirka devorida 
qolgan eritma kollodiy xaltacha tayyorlash uchun yetarli bo‘ladi. Probirka 

---

43 
og‘zini kaft bilan berkitilib, asta-sekin aylantiriladi, bunda kollodiyning 
devor bo‘ylab bir xilda tarqalishi ta’minlanadi. Probirka qo‘lda isib, spirt 
bug‘lana boshlaydi, kollodiy quriydi. 5—10 daqiqadan keyin probirkaga 
to‘latib suv quyiladi. Kollodiy xaltacha devoridan ajralgandan keyin, 
pinset bilan asta-sekin probirka chekkasidan ajratib olinadi. Kollodiy 
xaltachaning butunligini tekshirish uchun distillangan suv quyiladi.