Маданият ва спорт ишлари вазирлиги ўзбекистон давлат санъат институти

 
 
П.И.ЖЕМЧУГОВА (1768-1803) 
Ноёб трагик қобилиятга эга бўлган Прасковья Ивановна 
Жемчугова-Ковалёва тақдирида крепостной актёрисаларнинг 
аянчли ҳаёт йўли ёрқин ифодаланган. Юксак истеъдодли 
актриса Граф Шереметъев театри репертуаридаги ҳар хил 
ролларни ижро этишга мажбур эди. Унинг истеъдодига монанд 
роллар камдан кам учрар эди. Масалан, «Самнит никоҳлари» 
спектаклида Элиана образи Жемчуговани трагик актриса 
сифатида истеъдодини ёрқин кўринишига имкон берган. 
Жемчуговани астойдил севиб қолган граф Шереметъев 
крепостной-«актёр» аёл билан никоҳдан ўтолмаган. Узоқ вақт 
Жемчугова маъшуқа, моҳиятан графнинг ўйнаши сифатида ҳаёт 
кечиради. Ота-онаси ва қизларидан айрилиқда, зодагонлар 
муҳити тан олмаган Жемчугова графнинг ҳашаматли 
хоналарида, жамиятдан ажралган ҳолда яшашга мажбур эди. 
Вафотидан бироз аввал «эркинлик» гувоҳномаси берилганда, 
граф Шереметъев актрисага яширинча никоҳлаб уйланган эди. 
 
Т.М.ТРОЕПОЛЬСКАЯ (ваф.1774) 
 
Татъяна Михайловна Троепольская актёрлик фаолиятини 
Университет театрида бошлаган, сўнг энг яхши актрислардан 
бири сифатида Сарой театри труппасига қабул қилинган. У 
Москва Университетига биринчилардан бўлиб ўқишга кирган. 
Василий Трояпольскийнинг хотини бўлган. Университет 
саҳнасида роллар ўйнаган В.Трояпольский 1756 йили 

---

33 
Петербургда Лукиннинг «Пустомел» комедиясида Неумолков 
ролида чиққан. Татъяна Троепольская ҳам айнан шу вақтдан 
эътиборан Петербург театрида ишлай бошлаган. Т.Троепольская 
1763 йили Москва театрида «Семира» спектаклида Москвага 
тахтга ўтириш тантаналарига келган императрица Екатерина II 
эътиборига тушган. 
Т.Троепольская қадди-қомати келишган, чиройли бўлиб, 
овози ҳам жарангдор ва ёқимли бўлган. Ўзининг ички ва ташқи 
қулай имкониятларига таянган Т.Тропольская Сумароковнинг 
«Синав ва Трувор» ва «Дмитрий Самозванец» трагедияларида 
бош фожеий қаҳрамонлар-Ильмена ва Ксения образларида 
муваффақият 
қозонган. 
Т.Тропольская 
моҳиятан 
рус 
саҳнасининг биринчи трагик актрисаси бўлса-да, комедиялар ва 
маиший драмаларда ҳам бирдай маҳорат билан образлар 
яратган.