Махсус қисм б и р и н ч и б ў л и м шахсга қарши жиноятлар I боб. ҲАётга қарши жиноятлар 97 м о д д а. Қасддан одам ўлдириш

Бошқа паст ниятларга мансабпарастлик, лаганбардорлик, ошна-оғайнигарчилик ва ҳоказолар тааллуқлидир.
(Такроран тушунчаси тўғрисида ЖК 32-моддасининг шарҳига қаранг. Хавфли рецидивист тушунчаси тўғрисида ЖК 34-модда­сининг шарҳига қаранг.)
6. Жиноят субъектив томондан тўғри қасддан содир этилади. Айбдорнинг ҳаракатини ЖК 133-моддаси 2-қисми бўйича квалифика­ция қилиш учун қилмишнинг ғаразли ёки бошқа паст ниятларда содир этилгани зарурий белги ҳисобланади.
7. 16 ёшга тўлган шахс жиноят субъекти ҳисобланади.
134 - м о д д а. Қабрни таҳқирлаш
Қабрни ёки мурдани таҳқирлаш, шунингдек, мурдадаги, қабр устидаги ёки ичидаги нарсаларни олиш -
энг кам ойлик иш ҳақининг эллик бараваридан юз баравари­гача миқдорда жарима ёки уч йилгача ахлоқ тузатиш ишлари ёхуд уч йилдан беш йилгача озодликдан маҳрум қилиш билан жа­золанади.
1. Жамиятда мавжуд бўлган одоб-ахлоқ қоидалари жиноят объекти ҳисобланади.
2. Объектив томондан жиноят қабрни ёки мурдани таҳқир­лашда, шунингдек, мурдадаги, қабр устидаги ёки ичидаги нарса­ларни олишда ифодаланади.
3. Қабр мурданинг хоки ва у билан бирга дафн этилган нар­салар (кийим-кечаклар, буюмлар ва ҳоказолар) кўмилган жой­дир.
4. Қабр устидаги нарсалар деганда, қабр ва унинг устига қўйилган ёдгорлик тоши, девори, гуллар, гулчамбарлар ва бошқа­ларни тушуниш керак.
5. Қабрни таҳқирлаш қабр устидаги тошларни, ёдгорлик­ларни, яшил ўсимликлар ва гулларни топташ, деворларни, тўсиқларни синдириш, уларга зарар етказиш, бузиш, сурбетларча ёзувлар битиш, майитга ҳурматсизлик муносабатини ифодаловчи бошқа хатти-ҳаракатлардан иборат.
6. Mypдани таҳқирлаш кўмилган жасадни ёки унинг айрим аъзоларини қабрдан чиқариб ташлаш, унинг қиёфасини бузиш, мазаҳ қилишдан иборат хатти-ҳаракатлардир.
7. Мурдадаги, қабрдаги ёки унда кўмилган буюмларни ажратиб олиш қабрни таҳқирлаш усулларидан бири бўлиб, у яширин ёхуд ошкора равишда мазкур буюмларни қўлга киритиш­дан иборат бўлади.
8. Қабр ёхуд мурдани таҳқирлаш вақтидан бошлаб, қаб­рдаги, мурдадаги ёхуд у билан бирга кўмилган нарсалар олинган ҳолатларда эса айбдор шахснинг мазкур нарсалардан фойдала­ниши ёки уларни ўзиники қилиб олиши вақтидан бошлаб жиноят тугалланган ҳисобланади.
9. Қабрни таҳқирлаш жамиятда қабул қилинган қоидаларга қасддан менсимас­лик билан муносабатда бўлиш орқали ифодаланади қилмишни ЖК 134 ва 277-моддаларининг тегишли қисмларига мувофиқ квалификация қилиш зарур.
10. Субъектив томондан жиноят қасддан содир этилади. Жи­ноятни содир этиш сабаби жиноятнинг квалификациясига таъсир этмайди.
11. Ўн олти ёшга тўлган шахс жиноят субъекти ҳисобланади.
VI боб. ШАХСНИНГ ОЗОДЛИГИ, ШАЪНИ ВА ҚАДР-ҚИММАТИГА ҚАРШИ ЖИНОЯТЛАР
135 - м о д д а. Одамлардан фойдаланиш учун
уларни ёллаш
Шаҳвоний ёки бошқа мақсадларда фойдаланиш учун алдаш йўли билан одам ёллаш -
энг кам ойлик иш ҳақининг юз бараваридан икки юз баравари­гача миқдорда жарима ёки уч йилгача ахлоқ тузатиш ишлари ёхуд олти ойгача қамоқ билан жазоланади.
Ўша ҳаракат:
а) такроран ёки хавфли рецидивист томонидан;
б) бир гуруҳ шахслар томонидан олдиндан тил бириктириб;
в) вояга етмаган шахсга нисбатан содир этилган бўлса, -
беш йилгача озодликдан маҳрум қилиш билан жазоланади.
Ўша ҳаракат бундай шахсларни Ўзбекистон Республикаси ҳу­дудидан олиб чиқиб кетиш мақсадида содир этилган бўлса, -
беш йилдан саккиз йилгача озодликдан маҳрум қилиш билан жазоланади.
1. Жиноят объекти шахснинг озодлиги, шаъни ва қадр-қим­мати ҳисобланади.
2. Жиноят объектив томондан шаҳвоний ёки бошқа мақсад­ларда фойдаланиш учун алдаш йўли билан одам ёллашда ифода­ланади.
3. Одамларни ёллаш деганда, муайян мақсадга мувофиқ ке­ладиган одамларни излаб топиш ва улар билан оғзаки ёки ёзма равишда фаолият билан шуғулланиш тўғрисидаги шартнома тузиш тушунилади. Одамларни ёллаш турли усулда (катта иш ҳақи, моддий бойликлар, маълум имтиёзлар, қулай ша­роитлар эвазига) амалга оширилади.
4. Одамлардан шаҳвоний ёки бошқа мақсадларда фойдаланиш алдов йўли билан содир этилган ҳолатлардагина ЖК 135-моддаси бўйича жиноий жавобгарлик келиб чиқади.
Алдов муайян фаолият билан шуғулланишга розилик олиш мақсадида битим тузиш учун ёлловчининг зарур бўлган вазиятлар тўғрисида била туриб ёлғон хабарлар бериши ёки яшириши ёки сўзламаслигини тақозо этади.
5. Жиноят ёлловчи ва тегишли шахс ўртасида ёллаш мақса­дида битим (оғзаки, шартнома тарзидаги ёзма битим ва ҳоказо­лар) тузилган вақтдан бошлаб тугалланган ҳисобланади.
6. Шарҳланаётган жиноят таркиби учун муқаррар мақсад – ёлланган шахслардан шаҳвоний ёхуд бошқача мақсадларда фой­даланишдир.