Мамлакатимиз ўз мустаќиллиги йўлидан борар экан, демократик хуќуќий давлат ва ижтимоий йўналтирилган бозор иќтисоди асосидаги

Лавозимда ўсиш мотивацион омил сифатида иш жойига келаётган ёш 
мутахассислар учун катта турткидир. Бу хусусда яна чет элда мавжуд бой 
тажрибаларга мурожаат этиш мумкин. IBM компаниясида юқори бўғин 
раҳбарлик лавозимига мос номзодлар анча эрта аниқланади ва кейинги 10 йил 
ёки ундан ошиқ вақт давомида уларни лавозимда кўтаришга тайёргарлик 
ишлари олиб борилади. Тайёргарлик даври шундан иборатки, ходим мансабда 
ўсиб борар экан, бу вақт мобайнида уни йирик хатодан иложи борича асраб 

---

136 
келинади. Мана шундай “тарбия” натижасида ўз-ўзига ишонган, компания 
маданияти билан суғорилган раҳбар етишиб чиқади. Бундай тадбир 
раҳбарликка номзод ходимларни индивидуал тарзда пухта ўрганишни, унинг 
қобилиятини аниқлаш ва ривожлантириш бўйича алоҳида тадбирлар ташкил 
этиш имконини беради. 
Чет эл етакчи компанияларининг яна бирида ходимнинг лавозимда ўсиши 
қуйидаги тартиб бўйича амалга ошади. Олим ва инженерлар ўз лавозимларида 
белгиланган маош билан ишлар эканлар, улар тамоман янги ғояни илгари 
суришлари мумкин. Агар бу ғоя жорий этилса раҳбарият янги маҳсулот ишлаб 
чиқариш ва сотиш бўйича гуруҳ ташкил этади. Маҳсулот бозорга чиққанда 
ходим “маҳсулот бўйича инженер” номини олади. Ушбу маҳсулотни сотиш 
ҳажми 1 млн. долларга етса кашфиёт ўзлаштирилган маҳсулот тоифасига 
киритилади ва бўлим мавқеи ўзгаради. Сотув 5 млн. га етганда яна ўзгариш 
бўлиб ўтади, инженер эса “маҳсулот бўйича менежер” лавозимини олади. 
Сотиш ҳажми 20 млн.га етиши мустақиллик учун яна бир поғона ва ниҳоят 75 
млн.га етганда бўлим ўз раҳбарига эга алоҳида хўжаликка айланади. Шундай 
қилиб, олинаётган даромад иложи борича рационализаторнинг ўз хўжалигига 
келиб тушаверади. 
Раҳбар ўзининг айрим вазифаларини илғор ходимларга тақсимлаши 
орқали ходимнинг ташкилотда фаол ишлаши таъминланади. Бошқарув 
қарорларини ишлаб чиқишга жалб этиш, уларнинг ижроси бўйича айрим 
вазифаларни ходимлар зиммасига юклаш ташкилот қадриятлари ва 
мақсадларини қабул қилишни кучайтиради ва мотивацион омил сифатида 
қўлланилади.