Suv bug’i bilan haydash
Suv bug’i bilan haydash-aralashmalarni ajratish va moddalarni tozalash usullaridan biri hisoblanadi, laboratoriyada va texnikada suvda kam eriydigan va suv bilan reaktsiyaga kirishmaydigan ba`zi moddalarni aralashmalardan ajratib olish uchun suv bug’i bilan haydaladi. Buning uchun, suv bug’ hosil qiluvchi maxsus qaynatgich idishda qaynatilib, suv bug’i tarkibida ajratiladigan modda bo’lgan aralashma solingan yumaloq tubli kolbaga naycha orqali yuboriladi (6-rasm).Masalan, o’simliklardan efir moylarini ajratib olishda suv bug’i bilan haydash usulidan foydalaniladi.Biror aralashmaga suv bug’iga borilganda, aralashma qaynab, suv bug’i kerakli moddalarni bug’ holida o’zi bilan birga olib ketadi; bunda bug’lar sovitkichda kondensatsiyalanib yig’gich idishga yig’iladi. Texnikada toshko’mir smolasidan benzolni ajratishda, anilin, naftalin, kamfora, efir moylari va boshqa ko’p organik moddalarni tozalash hamda ajratib olishda sug’ bug’i bilan haydash usulidan keng foydalaniladi. Ba`zi hollarda bu usul vakum bilan haydash kabi murakkab usulni o’rnini bosa oladi.
Shunday qilib, suv bug’i bilan haydash orqali ko’pgina murakkab moddalarni aralashmalardan ajratish va tozalash mumkin.
Do'stlaringiz bilan baham: |
