18. Савол: Ўзбекистон Республикасининг фуқаролари неча ёшдан бошлаб сайлаш ҳуқуқига эга бўладилар?
Жавоб: Сайлов куни ўн саккиз ёшга тўлган Ўзбекистон Республикаси фуқаролари сайлаш ҳуқуқига эгадир.
19. Савол: Сайловда иштирок этувчи ҳар бир фуқаро нечта овозга эга бўлади?
Жавоб: Сайловда иштирок этувчи ҳар бир фуқаро бир овозга эга бўлади.
20. Савол: Сайловда кимлар сайланиши ва иштирок этиши ҳуқуқига эга эмас?
Жавоб: Суд томонидан муомалага лаёқатсиз деб топилган фуқаролар, шунингдек суд ҳукми билан озодликдан маҳрум этиш жойларида сақланаётган шахслар сайланиши мумкин эмас.
Суд томонидан муомалага лаёқатсиз деб топилган фуқаролар, шунингдек оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар сайловда иштирок этмайди.
21. Ўзбекистон Республикасида сайловлар қайси принциплар асосида ўтказилади?
Жавоб: Ўзбекистон Республикасида сайловлар умумий, тенг, тўғридан-тўғри сайлов ҳуқуқи асосида яширин овоз бериш принципларига биноан очиқ ва ошкора ўтказилади
22. Яширин овоз бериш нимани англатади?
Жавоб: Сайловда эркин ва яширин овоз берилади. Сайлов бюллетенидаги номзодлардан қайси бирини танлашни фақат сайловчининг ўзи ҳал қилади.
Сайловчилар муддатидан олдин ёки сайлов куни участка сайлов комиссияси биносида ёхуд турган жойида яширин овоз бериш ҳуқуқидан фойдаланадилар.
23. Сайлов очиқ ва ошкоралик тарзда ўтказилади тамойили ҳақида нималарни биласиз?
Жавоб: Сайловга тайёргарлик кўриш ҳамда уни ўтказишни сайлов комиссиялари очиқ ва ошкора амалга оширади.
Сайлов комиссиялари фуқароларни ўз иши тўғрисида, сайлов округлари, участкалари тузилганлиги ҳақида, сайлов комиссияларининг таркиби, уларнинг жойлашган ери ва иш вақти тўғрисида хабардор этади, сайловчиларнинг рўйхатлари, сайловда иштирок этаётган сиёсий партияларнинг рўйхати билан таништиради, Ўзбекистон Республикаси Президентлигига номзодлар тўғрисидаги, шунингдек, овоз бериш ва сайлов якунлари ҳақидаги маълумотларни маълум қилади.
Do'stlaringiz bilan baham: |
