Маркетинг асослари

Bevosita aloqaning afzalliklari:

• 
  ishlab chiqaruvchi tovar harakatlanishi jarayonini bevosita boshqaradi;
  
• 
  talab o’zgarishlariga tez moslashadi.
  

Kamchiliklari:

• 
  agar butun hudud bo’ylab yoyilgan mayda iste’molchilar ko’p bo’lsa, rentabellikka erishiladi, savdo tarmog’ini tashkil qilish esa katta xarajatlar talab qiladi.
  

Bunday hollarda omborlar va servis xizmatiga ega bo’lgan firmaning moliyasi bo’lishi foydalidir. Ulgurji savdogarlar, agentlar va dilerlardan foydalanish g’oyatda foydalidir, chunki bunda firma bozorning anchagina qismini nazorat qiladi va savdo xarajatlarini kamaytiradi. Savdo agentlari ishlab chiqarish tovarlari savdosi amaliyotida muhim o’rin tutadi, chunki mehnat jamoasi (2-3 kishi) va ularning vazifasi - bog’lovchi zveno vazifasini bajarishdir.
Tovar harakatining eng samarali usulini qanday tanlash kerak?
Firmaning rentabelligi taqsimot usuliga kuchli bog’liqdir. Bu vazifa ko’plab omillarni hisobga olgan holda hal qilinadi.
Avvalo, agar:

• 
  sotilayotgan tovar hajmi etarlicha katta bo’lsa;
  
• 
  iste’molchilar kam va keng tarqalmagan bo’lsa;
  
• 
  tovar yuqori saviyali xizmat ko’rsatilishini taqozo etsa;
  
• 
  har safar etkazib beriladigan tovarlar hajmi konteyner yoki vagonni to’ldirish uchun etarli bo’lsa;
  
• 
  savdo ketayotgan joyda firmaning o’z omborlar tarmog’i mavjud bo’lsa;
  
• 
  tovar o’ta maxsus maqsadlarga mo’ljallangan bo’lsa;
  
• 
  firma narxning tez‑tez o’zgarib turishiga tez moslasha olsa
  

Foydali usul deb hisoblanayotgan bevosita aloqadan foydalaniladi.
Agar:

• 
  firma moliyaviy jihatdan etarli darajada kuchli bo’lmasa;
  
• 
  firma yaxshi o’rganilmagan bozorga chiqayotgan bo’lsa;
  
• 
  servis xizmati ahamiyatsiz bo’lsa;
  
• 
  segmentlar kam bo’lsa
  

savdo agenti xizmatlari (agentlik firmasi) o’zini oqlaydi.