“Маркетинг” кафедраси

 
11.4. ВЕРТИКАЛ МАРКЕТИНГ ТИЗИМНИНГ АСОСИЙ ТУРЛАРИ 
Вертикал маркетинг тизимнинг учта асосий тури мавжуд: 
Корпоратив вертикал маркетинг тизими. Корпоратив вертикал маркетинг 
тизимининг доирасида товар ишлаб чиқариш ва тақсимлашнинг кетма-кетликдаги 
босқичларига бир киши эгалик қилади. 
Шартномавий вертикал маркетинг тизими. Шартномавий вертикал маркетинг 
тизимининг шартнома муносабатлари билан боғланган, якка ҳолда эришиш мумкин 
бўлган тижорат муваффақиятларига нисбатан кўпроқ ютуқларга эришиш ва маблағларни 
кўпроқ иқтисод қилиш учун ўз фаолиятини тартибга солувчи дастурлар билан боғлиқ 
мустақил фирмалардан иборат. Шартномавий ВМТ охирги патларда кенг тарқалиб, 
хўжалик фаолиятидаги энг муҳим омиллардан бири ҳисобланади. Шартномавий ВМТ уч 
турга бўлинади: 

Чакана савдогарларнинг улгуржи савдогарлар эгидаси остида кўнгилли 
мақсадлари. Улгуржи савдогарлар мустақил чакана савдогарларнинг кўнгилли 
бирлашмасини ташкил этиб, бу бирлашма уларга йирик тақсимлаш тармоқлари билан 
рақобатчилик курашида ўз ўрнини йўқотмаслигига кўмаклашиши лозим бўлади; 

Чакана савдогалар кооперативлари. Чакана савдогарлар ташаббусни ўз 
қўлларига олиши ҳамда улгуржи операциялар ва эҳтимол, ишлаб чиқариш билан 
шуғулланувчи янги мустақил хўжалик бирлашмасини тузишлари мумкин. Бирлашма 
иштирокчилари ўз асосий харидларини кооператив орқали амалга оширадилар ва реклама 
фаолиятини биргаликда режалаштирадилар. Олинган фойда кооператив аъзолари 
ўртасида уларнинг амалга оширган харидлари ҳажмига пропорционал равишда 
тақсимланади; 

Имтиѐз эгалари ташкилоти. Имтиѐз эгаси деб номланувчи канал аъзоси ишлаб 
чиқариш ва тақсимлаш жараѐнларининг кетма-кетликдаги бир қатор босқичларини ўз 
қўлида жамлаши мумкин. Охирги йилларда кенг тарқалиб бораѐтган савдо имтиѐзларини 
бериш тажрибаси чакана савдо соҳасининг энг қизиқарли омилларидан бири ҳисобланади. 
Имтиѐзларнинг уч хил тури мавжуд:
1. Ишлаб чиқарувчи эгидаси остида чакана савдо имтиѐз эгалари тизими 
автомобиль саноатида кенг тарқалган. Масалан, «Форд» фирмаси ўз автомобиллари 
билан савдо қилиш ҳуқуқини мустақил дилерларга беради, улар эса маҳсулотни сотиш ва 
унга хизмат кўрсатишда белгиланган шартларга амал қилишга розилик билдирадилар. 
2. Ишлаб чиқарувчи эгидаси остида улгуржи савдо имтиѐз эгалари тизими 
алкоголсиз ичимликлар билан савдо қилиш тизимида кенг тарқалган. Масалан, «Кока-
кола» фирмаси турли бозорларда ичмликни идишларга қуйиш заводлари эгаларига 
(улгуржи савдогарларга) савдо қилиш учун лицензия беради, улар эса фирмадан ичимлик 
концентратини сотиб олиб, уни газлайдилар ва шиша идишларга қуйиб маҳаллий чакана 
савдогарларга сотадилар. 
3. Хизмат кўрсатиш фирмаси эгидаси остида чакана савдо имтиѐз эгалари. Бу ҳолда 
хизмат кўрсатиш фирмаси асосий мақсади хизматларни истеъмолчиларга энг самарали 
усул билан етказишдан иборат бўлган комплекс тизимни шакллантиради. Бундай 
тизимларга автомобиллар прокати соҳаси («Херц» ва «Авис» фирмалари), умумий 

---

67 
овқатланиш тизими («Макдональдс») ва модель бизнесида («Говард Джонсон», «Рамада 
инн» фирмалари) бир талай мисоллар келтириш мумкин.