Masharipova barno erkin qizi

Ámelge asırılatuǵın iskerlik
Ámelge asırıw forması
1	Zamanagóy-básekige shıdamlı tárbiyashı imidjin jaratıw	Ózlestirilgen bilim ilimiy tájriybeni ámelde qollaw, qosımsha maǵlıwmatlar alıw
2	Ózbetinshe tálim alıw	Tájiriybeli ustazlar iskerligin úyreniw
3	Pedagogikalıq iskerliginde júzege keletuǵın tosıqlar hám olardı sheshiw jolları	Uqıp sabaǵı, oqıw seminarı, treninglerde qatnasıw
4	Shańaraqlar menen sheriklikti jetilistiriw	Máslahát, konsultaciya shólkemlestiriw
5	Mektepke shekemgi bilimlendiriw shólkemi tárbiyashısı menen sheriklikte islew	Olar menen sáwbet hám treningler ótkeriw
6	“Jas tárbiyashılar mektebi”in shólkemlestiriw	Ashıq sabaqlar ótkeriw. Pedagogikalıq ustaxanada qatnasıw
7	Informaciya texnologiyalardan nátiyjeli paydalanıw	Multimedia resursın jaratıw
8	BSDIÚ modulın ózlestiriwde shet el tájiriybelerdi úyreniw	Xalıqaralıq konferensiya hám forumda qatnasıw
9	Social institutlar menen sheriklikte islew	Ilajlar shólkemlestiriw.
10	Ertekler saxnalastırıw ushın ssenariy tayarlaw	“Ertekler álemi” keshesin ótkeriw

1. 
   2-súwret. Studenttiń keleshek jobası úlgisi
   

Bolajaq tárbiyashı-pedagoglar joqarıda kórsetilgen úlginiń pedagogikalıq iskerliktegi ámeliy áhmiyetin tuwrı biliwi ushın informaciyalı tálim ortalıǵın jaratıw, ámeliyat shınıǵıwlarda innovciyalıq hám interaktiv usıllardı qollaw, pedagogikalıq ámeliyatlardı metodikalıq tárepten tolıq támiyinlew talap etildi.
Bunnan tısqarı, tájiriybe-sınaw dáwirinde studentlerde motivaciyanıń qáliplesiwi tańlaǵan kásibine unamlı múnásibetti júzege keltiriwi tiykarlandı. Olarda oqıw iskerliginde ǵárezsiz izertlew hám tapsırmalardı ámelge asırıw kónlikpelerin qáliplestiriwge háreket etildi. Bolajaq tárbiyashı-pedagoglardıń kásiplik qábiletin rawajlandıratuǵın shártlerden biri, keleshekte óziniń miynet iskerligine qızıǵıwshılıǵı ekenligi ilimiy tiykarlandı. Kásiplik motivaciyaǵa studentlerdiń etikalıq qásiyetleri retinde de qaraw múmkin. Sonıń menen birge, studentlerde kásiplik motivaciya negizinde qádiriyatlar da qáliplese baslaydı. Studentlerge óz kásibinen qanaatlanbaw pedagogikalıq iskerlik natiyjeliliginiń tómenlewi haqqında túsinikler berildi. Izertlewimizde studentler ózlerindegi jeke motivların ǵárezsiz túrde tómendegi kórsetkishler tiykarında 10 ballı sistemada bahaladı:

1. 
   Bilim, kónlikpe hám ilimiy tájriybelerge iye bolǵanlıq dárejesi;
   
2. 
   Tárbiyashılıq kásibi haqqında tolıq maǵlıwmatlarǵa iye ekenligi;
   
3. 
   Kásiplik uqıp elementleriniń qálipleskenligi;
   
4. 
   Jeke karieraǵa iye ekenligi;
   
5. 
   Ata-analardıń qálewin orınlaw;
   
6. 
   Dosları hám teńlesleriniń onı tańlaǵan kásibine múnásibeti;
   
7. 
   Ustazlarǵa eliklew;
   
8. 
   Oqıw iskerligine qızıǵıwshılıq, jańalıqlardı biliwge qálew bar ekenligi;
   
9. 
   Studentlik dáwiri keleshek tiykarı ushın eń jaqsı dáwir ekenligin mánisi boyınsha seziw;
   
10. 
    Ózinianaliz qılıw hám bahalaw;
    
11. 
    Dosları hám tanısları aldında ózin tolıq kórsete alıwı.
    

Studentlerdiń kópshiliginde ózin bahalaw dárejesi joqarı ekenligin kórsetti. Sonıń menen birge oqıw processinde qıyınshılıqlar júz bergende studentler menen jalǵız tártipte hám toparlar formasında máslahátlar shólkemlestirildi. Kóbirek mashqalalı jaǵday sheshimin tabıwda jalǵız tártipte máslahát beriw nátiyje beredi. Tálim-tárbiya jumıslarınıń tiykarǵı wazıypası kásiplik iskerliginiń tiykarǵı qásiyetlerin ulıwmalastırıw, kásibine salıstırǵanda qızıǵıwshılıq oyatıw ushın dóretiwshilik tapsırmalar beriw, tárbiyashı shaxsına qoyılǵan tiykarǵı talaplar boyınsha sıpatlama beriw, bolajaq tárbiyashılardı kásipke tayarlaw pedagogikalıq proceste ushıraytuǵın jaǵdaylar sheshimin tabıw boyınsha usınıslar berildi hám oqıw processinde jeke juwapkershiligin asırıw, ruwxıy hám social dárejesin sistemalı rawajlandırıw názerde tutıldı. Studentlerde kásiplik kónlikpe hám ilimiy tájiriybeler kásiplik wazıypalar mánisinen kelip shıǵıp qáliplestirildi. Teoriyalıq bilimler “BSDIÚ” oqıw modulın ámeliy shınıǵıwlarında bekkemlendi. Studentler tek ǵana oqıtıwshı bergen oqıw tapsırmalardı atqarıwdan tısqarı ózin bahalaw hám baqlawdı da ámelge asırdı. Bunda oqıw-tárbiyalıq iskerlikte studentlerdiń ǵárezsiz iskerligine bólek pát berildi hám olardıń aktiv qatnasıwına múmkinshilik jaratıldı. “BSDIÚ” oqıw modulın oqıtıw processinde interaktiv tapsırmalar hám kórgizbeli qurallardan keń paydalanıldı. Ámeliy shınıǵıwlarda tabıslı jaǵday jaratılıwına itibar berildi. Tabıslı jaǵday jaratıwda studentlerdi qollap-quwatlaw, salamat oqıw ortalıǵı, olardıń pikirlerin itibarǵa alıw, erisilgen nátiyjelerdi bahalaw hám xoshametlewge ayrıqsha áhmiyet berildi. Áwmetsizlikke túsken jaǵdayda studentler dıqqatın tapsırma elementlerin tuwrı orınlawǵa jóneltiriw arqalı usı jaǵdaydıń sebepleri analiz etildi. Studentlerde keleshekte tabısqa erisiwine isenim sezimi oyatıldı. Orınlanǵan islerdiń natiyjeliligin asırıw ushın tek ǵana ámeldegi bilim, kónlikpeler, keleshekte tabısqa erisiw dárejesi de bahalandı.