Mavzu: Biologiya darslarida yangi zamonaviy pedagogik va axborot texnologiyalaridan foydalanish Reja
Download 273.47 Kb. Pdf ko'rish
|
12 ma`ruza
|
1 – topshiriq. Biologik diktant.
1. Organizmlarning irsiyat,irsiylanish va o‘zgaruvchanlik qonunyatlarini o‘rganadigan fan - … 2. Gomologik bo‘lmagan xromosomalarda joylashgan bo‘lib bir necha belgining mustaqil irsiylanishi va alternativ namoyon bo‘lishini ta’min etuvchi genlar - … 3. Gomologik xromosomolarning bir xil qismida joylashgan bo‘lib bitta belgining keskin farq qiluvchi-alternativ holatda rivojlanishi ta’min etuvchi dominant va retsetsiv shaklda bo‘ladigan genlar - … 4. Organizm miqdoriy belgilarining irsiylanishi va rivojlanishi darajasini belgilovchi,bir xil funksiyasiga ega bo‘lgan noallel genlar - … 5. Genlarning epistatik ta’siri natijasida patlari oq rangdagi tovuq zotlarini o‘zaro chatishtirilganda F 2 da fenotip va genotip jihatidan ajralish nisbati - … 6. Kumulyativ polimeriyada fenotip bo‘yicha ajralish nisbati - … 7. O‘simliklardagi xromosomalar sonining karra ortishi - … 8. Belgilarning xilma-xillik darajasi yoki o‘zgaruvchanlik chegaralari - … 9. Genetik materialning irsiy o‘zgarishi - … 10. Bir gen doirasidagi bitta yoki bir nechta nukleotidlarning o‘zgarishi yoki almashinishi bilan bog‘liq mutatsiyalar - … Biologik diktant javoblari : 1. Genetika. 2. Noallel genlar. 3. Allel genlar. 4. Polimer genlar. 5. 13 : 3; 1:2:1:2:4:2:1:2:1. 6. 1:4:6:4:1. 7. Poliploydiya. 8. Reaksiya normasi. 9. Mutatsiya. 10. Nuqtali mutatsiya. Lokal darajadagi pedagogik texnologiyalar darsning muayyan qismida o‘quvchilarning bilish faoliyatini faollashtirib, ta’lim samaradorligini orttirishga xizmat qiladi. Didaktik o‘yin texnologiyalari. Biologiyani o‘rganishda o‘quvchilarning bilish faoliyatini faollashtirish uchun darsning o‘quvchilarning o‘tgan mavzu yuzasidan o‘zlashtirgan bilim, ko‘nikma va malakalarini aniqlash, ularni tizimlashtirish, yangi mavzu yuzasidan o‘zlashtirilgan bilim, ko‘nikma va malakalarni nazorat qilish va baholash, shuningdek, yangi mavzuni o‘rganish jarayonida xususiy metodik va lokal texnologiyalardan foydalanish maqsadga muvofiq. Biologiyani o‘qitishda xususiy metodik darajadagi pedagogik texnologiyalardan didaktik o‘yin texnologiyalari, modulli ta’lim texnologiyalari, hamkorlikda o‘qitish texnologiyalaridan foydalanish tavsiya etiladi. Ta’lim jarayonida didaktik o‘yinli texnologiyalar didaktik o‘yinli dars shaklida qo‘llaniladi. Ushbu darslarda o‘quvchilarning bilim olish jarayonini o‘yin faoliyati bilan uyg‘unlashtiriladi. SHu sababli, o‘quvchilarning bilim olish faoliyati, o‘yin faoliyati bilan uyg‘unlashgan darslar didaktik o‘yinli darslar deb ataladi. Didaktik o‘yinli darslar orqali quyidagi funksiyalar amalga oshiriladi: 1. Ta’lim-tarbiya berish; 2. SHaxsni rivojlantirish; 3. O‘quvchilarni ijodiy faoliyatga yo‘naltirish; 4. Bilimlarni nazorat va tahlil qilish; 5. Kasblar bilan tanishtirish va kasbga yo‘naltirish; 6. O‘quvchilarning muloqot va nutq madaniyatini rivojlantirish; Ta’lim-tarbiya jarayonida bu funsiyalar majmua holda amalga oshiriladi, lekin quyida o‘rganiladigan didaktik o‘yin turlarida qaysidir funksiya ustunlik qiladi. Masalan, konferensiya darslarida shaxsni rivojlantirish ustunlik qiladi, qolgan funksiyalar unga ilova bo‘ladi, o‘yin mashqlarda bilimlarni nazorat va tahlil qilish ustunlik qiladi, qolgan funksiyalar uni to‘ldiradi va h.k. Didaktik o‘yinli darslarni o‘quvchilarning bilim olish va o‘yin faoliyatining uyg‘unligiga ko‘ra: • syujetli-rolli o‘yin; • ijodiy o‘yinlar; • ishbilarmonlar o‘yini; • konferensiya; • taqdimot; • o‘yin-mashqlarga ajratiladi. Biologiyani o‘qitishda ta’lim mazmuni, o‘quvchilarning yosh, psixologik va ergonomik xususiyatlari e’tiborga olingan holda didaktik o‘yin texnologiyasiga mansub darslarning mazmuni va mohiyati haqida fikr yuritiladi. Didaktik o‘yinli darslar ichida konferensiya darslari muhim o‘rin tutadi. Konferensiya darslari o‘quvchilarning bilish faoliyatini faollashtirishda, ilmiy dunyoqarashni kengaytirishda, ularni qo‘shimcha va mahalliy materiallar bilan tanishtirishda, ilmiy va ilmiy-ommabop adabiyotlar bilan mustaqil ishlash ko‘nikma va malakalarini rivojlantirishda, yoshlarni mustaqil hayotga tayyorlashda, ongli ravishda kasb tanlashida muhim ahamiyat kasb etadi. O‘qituvchi konferensiya darsini o‘tishdan avval dars mavzusini, maqsadi va vazifalarini aniq belgilab olib shu mavzuga oid qo‘shimcha ilmiy, ilmiy-ommabop adabiyotlarni ko‘zdan kechiradi. Mazkur dars o‘tkazishdan 10 kun oldin dars mavzusi e’lon etilib, unga tayyorgarlik ko‘rish uchun adabiyotlar tavsiya qilinadi. E’lon qilingan didaktik o‘yinli darsda “olimlar” rolini tanlash, mavzuni har tomonlama yoritish, har bir o‘quvchining qiziqishi va qobiliyatiga yarasha ma’ruza tayyorlash o‘quvchilarning ihtiyorida bo‘ladi. Darsga tayyorgarlik davrida o‘qituvchi tomonidan ijobiy rag‘batlantirishning ustunligi va muvaffaqiyatga yo‘llovchi o‘qituvchining muloqot madaniyati, o‘zaro yordami o‘quvchilarning darsga qizg‘in tayyorgarlik ko‘rishning muhim omili sanaladi. Ilmiy konferensiya darsini quyidagicha o‘tkazish tavsiya etiladi: 1.O‘qituvchining kirish so‘zi. Bunda o‘qituvchi dars mavzusi, maqsadi va vazifalari, tegishli rollarni bajaruvchi “olimlar” bilan tanishtiradi. 2.Ilmiy ma’ruzalarni tinglash “Olimlar” mavzu yuzasidan tayyorlagan ma’ruzalarini ko‘rgazmali qurollar asosida bayon etadilar. 3.Ma’ruzalar muhokamasi. Bunda “Olimlar” va sinfdagi boshqa o‘quvchilar o‘rtasida mavzu yuzasidan bahs, munozara o‘tkaziladi. 4.Ilmiy konferensiya yakuni. O‘qituvchi mavzu yuzasidan eng muhim tushuncha va g‘oyalarni ta’kidlab, yakunlaydi. 5.O‘quvchilarni baholash. Darsda faol ishtirok etgan o‘quvchilar rag‘batlantiriladi va reyting tizimiga muvofik baholanadi. Uyga vazifa berish. Darsni umumiy yakunlash. Didaktik o‘yinli darslar ichida taqdimot darslari ham muhim o‘rin tutadi. Taqdimot darslari o‘quvchilarning bilish faoliyatini faollashtirish, ilmiy dunyoqarashni kengaytirish, ularni qo‘shimcha va mahalliy materiallar bilan tanishtirish, ilmiy va ilmiy-ommabop adabiyotlar bilan mustaqil ishlash ko‘nikma va malakalarini rivojlantirish, yoshlarni mustaqil hayotga tayyorlashda, ongli ravishda kasbiy yo‘naltirishda muhim ahamiyat kasb etadi. Darsga tayyorgarlik bosqichlari konferensiya darsi sifatida amalga oshiriladi. Taqdimot darsini quyidagicha o‘tkazish tavsiya etiladi: 1.O‘qituvchining kirish so‘zi. Bunda o‘qituvchi dars mavzusi, maqsadi va vazifalari, tegishli rollarni bajaruvchi “olimlar” bilan tanishtiradi. 2.“Olimlar”ning mavzu yuzasidan tayyorlagan taqdimotlarini ko‘rgazmali qurollar asosida bayon etadilar. 3.Taqdimot muhokamasi. Bunda “Olimlar” va sinfdagi boshqa o‘quvchilar o‘rtasida mavzu yuzasidan bahs, munozara, Keys stadi o‘tkaziladi. 4.Taqdimot yakuni. O‘qituvchi mavzu yuzasidan eng muhim tushuncha va g‘oyalarni ta’kidlab, yakunlaydi. 5.O‘quvchilarni baholash. Darsda faol ishtirok etgan o‘quvchilar rag‘batlantiriladi va reyting tizimiga muvofik baholanadi. Uyga vazifa berish. Darsni umumiy yakunlash. Ta’lim jarayonining muvaffaqiyati o‘qituvchining ilmiy-metodik saviyasiga va pedagogik mahoratining yuqori darajada bo‘lishi, zamon bilan hamnafasligi, o‘quvchilarning bilish faoliyatini faollashtirish va boshqarish ko‘nikmalariga bog‘liq bo‘ladi. Biologiyani o‘qitishda, boshqa didaktik o‘yinlar bilan bir qatorda o‘yin mashqlardan o‘z o‘rinda va samarali foydalanish maqsadga muvofiq. O‘yin mashqlar uchun televidenie va matbuot orqali berib borilayotgan va o‘quvchi yoshlarning eng qiziq mashg‘ulotiga aylangan o‘yinlarni andoza qilib olish mumkin. Bular jumlasiga “Zakovat”, “Zinama-zina” kabilarni kiritish mumkin. Mazkur o‘yinlarda o‘quvchilar avvalo o‘z kuchi va bilimlarini sinab ko‘radilar va yana ularning aksariyati shu o‘yinlar ishtirokchisi bo‘lishni orzu qiladilar. Zamon bilan hamnafas ishlayotgan har bir o‘qituvchi o‘quvchilardagi bu istak va orzularni amalga oshirish uchun ta’lim jarayonida shunga o‘xshash o‘yinlarni o‘z vaqtida o‘tkazishi o‘quvchilarning bilim olishga bo‘lgan qiziqishlarini orttirish va bilish faoliyatini faollashtirishga zamin tayyorlaydi. Quyida didaktik o‘yinlardan ba’zilari namuna sifatida berilmoqda. Download 273.47 Kb. Do'stlaringiz bilan baham: 
|