Мавзу: Бизнесда шахсий самадорлик ва алоқа тизими режа

Ваколат доираси ва шахсий ривожланиш
Хўжалик юритувчи субъект фаолиятини ташкил этиш ва юритишда раҳбар ва бухгалтерларнинг вазифаси муҳим бўлиб, улар ишнинг ташкил этилиши ва тўғри олиб борилишига жавобгар шахслардир.
Уларнинг ваколатлари қонун доирасида белгиланади. Ўзбекистон Республикасининг 2016-йил 13-апрелдаги «Бухгалтерия ҳисоби тўғрисида» ги ЎРҚ-404-сон қонуни бухгалтер ва корхона раҳбарининг бухгалтерия ҳисобини юритишдаги вазифалари ва ваколатларини белгилайди.
Бухгалтерия ҳисоби ва ҳисоботини ташкил этишни бухгалтерия ҳисоби субъектининг раҳбари амалга оширади.
Ваколат доираси ва шахсий ривожланиш
Бухгалтерия ҳисоби субъектининг раҳбари қуйидаги ҳуқуқларга эга:

• Бухгалтерия ҳисоби хизматининг раҳбари бошчилигида бухгалтерия ҳисоби хизматини ташкил этиш ёки шартнома асосида жалб қилинган бухгалтер хизматидан фойдаланиш;
• Бухгалтерия ҳисобини юритишни ихтисослаштирилган ташкилотга (аудиторлик ташкилотлари, солиқ маслаҳатчилари ташкилотлари ва уставида бухгалтерия ҳисобини юритиш бўйича хизмат кўрсатиш назарда тутилган бошқа ташкилотлар) шартнома асосида юклаш;
• Бухгалтерия ҳисобини мустақил юритиш.

Бухгалтерия ҳисоби субъектининг раҳбари:

• Ҳисоб сиёсати, ички ҳисоб ва ҳисобот тизими ишлаб чиқилишини;
• Ички назорат тартибини;
• Бухгалтерия ҳисоби тўлиқ ва ишончли юритилишини;
• Ҳисоб ҳужжатларининг бут сақланишини;
• Молиявий ҳисоботнинг тайёрланишини;
• Солиқ ҳисоботининг ва бошқа молиявий ҳужжатларнинг тайёрланишини;
• Ҳисоб-китоблар ўз вақтида амалга оширилишини;
• Қонунда белгиланган талабларига риоя этилишини таъминлаши шарт.

Ваколат доираси ва шахсий ривожланиш
Бош бухгалтер ёки бухгалтерия ҳисоби ва молиявий бошқариш вазифаларини амалга оширувчи бошқа мансабдор шахс бухгалтерия ҳисоби хизматининг раҳбаридир.
Бухгалтерия ҳисоби хизматининг раҳбари бевосита бухгалтерия ҳисоби субъектининг раҳбарига бўйсунади.
Бухгалтерия ҳисоби хизмати раҳбарининг хўжалик операцияларини ҳужжатлар асосида расмийлаштириш ва уларни бухгалтерия ҳисоби хизматига тақдим этиш бўйича талаблари бухгалтерия ҳисоби субъектининг барча ходимлари учун мажбурийдир.
Бухгалтерия ҳисоби субъектининг раҳбари ва бухгалтерия ҳисоби хизматининг раҳбари ўртасида айрим хўжалик операцияларини амалга оширишга доир келишмовчиликлар юзага келган тақдирда, улар бўйича ҳужжатлар операциялар амалга оширилишининг оқибатлари учун шахсан жавобгар бўлган бухгалтерия ҳисоби субъекти раҳбарининг ёзма фармойиши билан ижрога қабул қилиниши мумкин.