Mavzu: boshlang’ich sinf o’quvchilari rangni his qilish idrokini o’stirishda nafosat tarbiyasining ahamiyati

Suhbat estetikasi.
Suhbat turli o’quv maqsadlarida, ya’ni yangi mavzu materialini bayon qilish, bilimlarni rejalashtirish va chuqurlashtirish uchun qo’llanishi mumkin hamda takrorlash jarayonida, o’quvchilarni bilimini tekshirish uchun suhbat metodidan foydalaniladi.
O’quvchilarni ulardagi qiziquvchanlikni qo’zg’ab, savollar berishga undash foydalidir. Umumlashtiruvchi suhbat yaxshi samara beradi, o’quvchilarning har tomonlama dunyoqarashini kengaytiradi, estetik didini rivojlantiradi.
Suhbat xuddi hikoya singari ma’lum talablarga javob berishi kerak, ya’ni:
savollar shunday shakllantirilishi lozimki, ular o’quvchilar tafakkurini faollashtirsin, estetik tarbiyasini oshirsin, ularni aniq va ishonarli javobni izlashga undasin;

• 
  mavzuni ochib berishda izchillik bo’lishi uchun suhbatning rejasi oldindan tuzib qo’yilgan savollari albatta bo’lishi kerak;
  
• 
  o’quvchilarning diqqati qaysi dalil va xulosalarga qaratilishi oldindan belgilanishi lozim.
  
• 
  Suhbat o’quv materialining chuqur va ongli egallanishiga yordam berishi;
  
• 
  o’quvchilarda bo’lajak amaliy ishni ongli rejalashtirish malaka va ko’nikmalarini shakllantirishda vosita xizmatini o’tashi;
  
• 
  egallangan bilimlarni amalda qo’llash malakalarini singdirishga yordam berishi, o’quvchilarning nutqini, ijodkorligini o’stirishi, estetik tarbiyaga yo’naltirilishi lozim.
  

Har bir suhbat darsi o’quvchilarning intellektual salohiyatini yuksaltirishga estetik didini oshirishga qaratilmog’i kerak.
Suhbat o’quv materialining chuqur va ongli egallanishiga yordam berishi; o’quvchilarga estetik tarbiya berishi; o’quvchilarda bo’lajak amaliy ishni ongli rejalashtirish malaka va ko’nikmalarini shakllantirishda vosita xizmatini o’tashi; egallangan bilimlarni amalda qo’llash malakalarini singdirishga yordam berishi kerak .
Mashqlar estetikasi.
Mashqlar olingan bilim va ko’nikmalarni mustahkamlash maqsadida o’tkaziladi. O’qituvchi malaka va ko’nikmalarini mustahkamlash, ularga estetik tarbiya berish maqsadida o’quvchilarga turli mashqlar beradi, bunda u har bir o’quvchini estetik yondashishini nazarda tutib, ijodiy xarakterdagi ishlarni tashkil etib ko’proq mustaqillik talab etuvchi mashqlarni beradi.
Mashqlar ommaviy va yakka tartibda bo’ladi, ya’ni butun guruhda bir xil ishni va barcha o’quvchilar turli ishlarni bajarishi mumkin. Mashqlar bajarish jarayonida diqqat-e’tibor o’quvchilarning ijodiy faolligiga, estetik yondashishiga qaratilmog’i lozim. Mashqlarning xarakterli xususiyati ayni bir harakatning takrorlanishi bo’lgani uchun o’quvchilarda bajarilayotgan ishga nisbatan qiziqishini saqlash talab etiladi.
Mashqlar yakunida ishlarni tahlil qilish, eng yaxshi ishlarning tahliliga tayanib, kim qanday natijalarga erishganligini ko’rsatish lozim. Ayni bir vaqtda kamchiliklar ustida ham to’xtash va va ishning sifatini yaxshilash yoki bajarish tezligini oshirish uchun nimalar qilish kerakligini tushuntirish lozim. Bu metod ya’ni mashqlar bajarish orqali o’quvchilar har bir yasayotgan ijodiy ishlariga estetik yondashishlari jarayonida ularga estetik tarbiya ham berib boriladi.