Mavzu: Yetkazib beruvchilar bozorining ma’lumotlar bazasini shakllantirish Mundarija: Kirish

1- jadval
Resurslarning solishtirma tavsiflari.

Ishlab chiqarish bilan bog‘liq bo‘lgan ta'minotning tavsifi	Ishlab chiqarish bilan bog‘liq bo‘lmagan ta'minotning tavsifi
Xomashyo, moddiylar, butlovchi qismlar	Ofis va komp'yuter jihozlari, MRO (Maintenance, Repairs and Operations) tovarlari, xizmat safarlari
Ishlab chiqarish grafigiga bo‘ysunadi	Ma'lum bir maqsad yo‘lida amalga oshiriladi, grafikka bo‘ysunmaydi
Xaridlar bo‘yicha menejerning tasarrufida bo‘ladi	Xodimlarning tasarrufida bo‘ladi
Tasdiqlashga muhtoj emas	Tasdiqlashga muhtoj bo‘ladi
Avtomatlashtirishning yuqori darajasi	Deyarli avtomatlashtirilmagan
Dizaynning spesifikasiga bog‘liq bo‘ladi	Kataloglar bo‘yicha tanlanadi

Ko‘proq umumiy tarzda zamonaviy ta'minot — bu ikkita funksionalni: xaridlarni boshqarish (Purchasing) va yetkazib beruvchilarni boshqarishni (Supplier Management) birlashtiradigan faoliyatdir. Keltirilgan atamalarni umumlashtirish bilan ta'minotga quyidagicha ta'rif berish mumkin: ta'minot — bu tashkilotni talab qilinadigan mahsulotlar va xizmatlar bilan ta'minlashdir, u o‘z ichiga xaridlar va yetkazib beruvchilarni boshqarish bo‘yicha barcha o‘zaro bog‘langan faoliyat turlarini, resurslarning optimal sarfida korporativ strategiyani bajarish uchun zarur bo‘ladigan barcha tashkilotlarni oladi.

«Xaridlarni boshqarish — bu tashkilotni boshlang‘ich manbadan o‘z vaqtida kerakli joyga qulay narxda berilgan sifat va miqdorlagi mahsulot bilan ta'minlashdir» .
«Etkazib beruvchilarni boshqarish deganda xarid qilish yoki ta'minot faoliyatining yetkazib beruvchilarning bazasini rasionallashtirish, ularni tanlash, ularning ishini muvofiqlashtirish, ularning faoliyat yuritish ko‘rsatkichlarini baholash va ularning faoliyat yuritish salohiyatini oshirishga taalluqli bo‘lgan jihati tushuniladi.
Sanoat va savdo kompaniyalarining aksariyatida ta'minot funksiyalari shu nomdagi bo‘linmalar – ta'minot (xarid qilish) bo‘limlari, xizmatlari, departamentlari zimmasiga yuklatilgan, ular o‘z navbatida ko‘pincha tijorat direksiyalariga bo‘ysunadi. Bunda ko‘pgina kompaniyalarda ta'minot xizmati menejmenti xodimlari, mohiyati bo‘yicha, universal xodimlar rolida chiqish bilan faoliyatning bir nechta turlarini (jihatlarini) – tijorat, logistika, marketing faoliyatini birlashtiradi. (1- rasm)
1-rasm. Ta'minot faoliyatining jihatlari va hal qilinadigan vazifalar.