Мавзу. Зарарли одатларнинг репродуктив саломатликка таъсири ҳақида Педагог (ўқитувчи) учун маълумот

Машғулот № 3. Гиёҳвандлик ва унинг одам организмга, шу жумладан – репродуктив саломатликка таъсири.

Мақсад	Гиёҳвандликнинг салбий оқибатлари ҳақида маълумот бериш орқали зарарли одатларнинг олдини олиш. Гиёҳванд моддаларнинг инсон организмига зарарли таъсири тўғрисида билимларни шакллантириш
Вазифалар	Ўсмирлик даврида гиёҳванд моддаларни синаб кўришга салбий муносабатни шакллантириш. Гиёҳванд моддаларнинг организмга, айниқса репродуктив саломатликка таъсири ҳақидаги билимларни танқидий англаш
Давомийлиги
Метод ва усуллар	Тақдимот, мини(кичик)-маъруза, ақлий ҳужум баҳс-мунозара, ролли ўйин, кичик гуруҳларда ишлаш, психологик ўйин ва машқлар.
Материал ва жиҳозлар	Флипчарт, ранглил маркерлар

Ўқувчилар билан саломлашиш.


Аввалги машғулот таҳлили.
"Қўғирчоқ" машқи
Мақсад. Ўқувчиларга ҳам тўлиқ қарамлик ҳолатини, ҳам бошқа одам ўзига тўлиқ боғлиқ бўлган ҳолатни бошдан кечиришга имкон бериш. Ушбу машқ гиёҳванд инсоннинг - гиёҳванд модда вазиятини ҳамда ўсмир оиласида ёки тенгдошлари даврасида юзага келадиган турли муносабатлар билан боғлиқ бўлган ҳолатлар ассоциацияларига эга.
Машқнинг бориши. Ўқувчилардан учта кичик гуруҳ шакллантирилади. Ҳар бир гуруҳдан битта "қўғирчоқ" ва иккита "қўғирчоқ ўйнатувчи" танланади. Ҳар бир кичик гуруҳ қўғирчоқ шоусининг кичик саҳнасини ўйнашга таклиф қилинади, бу ерда "қўғирчоқ ўйнатувчилар" "қўғирчоқлар"нинг барча ҳаракатларини бошқаради. Ўқувчилар саҳна сценарийсини мустақил равишда, ўз тасаввурларини ҳеч қандай чекловларсиз ишлаб чиқадилар.
Ҳар бир гуруҳ муҳокама ва репетициялардан томошабин сифатидаги қолган ўқувчиларга ўз саҳна кўринишларини тақдим этадилар. Ҳамма чиқиш қилгандан сўнг педагог гуруҳда ташкиллаштирган муҳокама давомида ҳамма ўз таассуротлари билан ўртоқлашади. Муҳокама "қўғирчоқ" нинг ҳиссиётларига ҳам, унинг ҳаракатларини бошқарган "қўғирчоқ бошқарувчилар"нинг ҳиссиётларига ҳам қаратилиши керак.
Ўқувчилар турли хил ҳис-туйғулар ҳақида гапиришлари мумкин: ноқулайлик, зўриқиш ёки аксинча, ўзининг устунлиги ва қулайлик ҳисси; қарамлик ҳолати ҳам, ҳаддан ташқари ғамхўрлик ҳам одамлар ўртасидаги муносабатларни бузуқ ва норасо қилади.