Мавзу. Зарарли одатларнинг репродуктив саломатликка таъсири ҳақида Педагог (ўқитувчи) учун маълумот

Мавзу. Зарарли одатларнинг репродуктив саломатликка таъсири ҳақида
Педагог (ўқитувчи) учун маълумот. Машғулотлар зарарли одатларнинг умуман соғлиққа ва хусусан, репродуктив саломатликка таъсирини очиб беради. Ўқувчиларнинг зарарли одатлар ҳақида хабардорлигига асосланиб, ажратилган вақт ва ўқувчилар сонини ҳисобга олган ҳолда, машғулотни бир неча қисмларга бўлиш мумкин – бу ҳолда ҳар бир янги машғулот аввалги мшғулотни таҳлил қилиш билан бошланиши ва навбатдагисининг қайта алоқаси (англ. feedback  — «қайта алоқа») тугаши керак.
Зарарли одатлар модули бошланишидан бир неча кун олдин синф ўқувчиларидан кичик гуруҳлар шакллантириш ва тақдимот қилиш учун зарарли одатларнинг инсон танасига таъсири ҳақида уйда плакат тайёрлаб келиш вазифаси берилади (1 - гуруҳ – чекиш, 2-гуруҳ – спиртли ичимликлар ва 3-гуруҳ – гиёҳванд моддалар). Шунингдек, сиз ўқувчиларга ушбу мавзу бўйича сюжетли-ролли ўйин тайёрлашни таклиф қилишингиз мумкин. Ролли ўйинларни муҳокама қилишни тўғри ташкил этиш муҳимдир.

Мақсад	Зарарли одатларнинг салбий оқибатлари ҳақида маълумот бериш орқали уларни олдини олиш.
Вазифлар	Зарарли одатларнинг сабаблари ва оқибатларини кўрсатиш. Зарарли одатларнинг репродуктив саломатликка салбий таъсирини муҳокама қилиш. Зарарли одатларга нисбатан танқидий муносабатни ривожлантириш.
Давомийлиги
Метод ва усуллар	Тақдимот, мини-маъруза, ақлий хужум, баҳс ва мунозара, ролли ўйин, кичик гуруҳларда ишлаш, психологик машқлар ва ўйинлар.