mening oilam (8 soat) Nutqiy mavzuning gʻoyasi

Mustahkamlash darsi (1 soat)


Tinglab tushunish: mustahkamlashga qaratilgan savollarga berilgan javoblarni eshitib tushuna oladi va ularga munosabat bildira oladi.
Ogʻzaki nutq: mavzu yoki matn yuzasidan navbat bilan gapira olish; suhbat yoki muhokama jarayonida boshqalarning fikriga munosabat bildira oladi.
Oʻqib tushunish: nutqiy mavzular asosida berilgan savollarni, yozish uchun berilgan topshiriqlar shartini oʻqib tushuna oladi.
Yozma nutq: berilgan soʻzlarga -im, -li, -siz qoʻshimchalarini qoʻshib xatosiz yoza oladi, ular ishtirokida gaplar tuzib, yoza oladi.
Lingvistik bilim: nutqiy mavzu doirasidagi lingvistik bilimlar.
Lugʻat boyligi: nutqiy mavzu doirasidagi soʻz va iboralar.


Nazorat ishi (1 soat)
IV BOʻLIM. SANʼAT VA MADANIYAT
(22 SOAT)


ERTAKDAGI QAHRAMON
(7 soat)


Nutqiy mavzuning gʻoyasi: ertak janri, bu janrning oʻziga xos xususiyatlari hamda adabiy qahramon haqidagi dastlabki tushunchalarni hosil qilish, oʻquvchini oʻzbek xalq ertaklari bilan tanishtirish.
Tinglab tushunish: audio shaklidagi ertakni tushunib, ertakdagi standart boshlanish va tugash jumlalarini farqlay oladi; ertakdagi eksplitsit va implitsit maʼlumot yuzasidan savollarga javob bera oladi; ertakdagi bosh qahramon va ikkinchi darajali qahramonlarni farqlay oladi; ertakda aks etgan sabab-oqibatni tushuna oladi; ramziylikni anglaydi; sheʼrni tinglab tushunib, sheʼr oʻqilishi va nasr oʻqilishidagi farqni anglay oladi.
Ogʻzaki nutq: rasmlarga qarab ertak qahramonlarini tanib, nomini ayta oladi, ular bilan bogʻliq voqealarni eslab ayta oladi.
Oʻqib tushunish: eshitgan ertak matnini oʻqish, savollarga javob bera oladi; ertak boshlanishidagi jumlalarning ketma-ketligini aniqlab, tarkibidagi soʻzlarni farqlay oladi; ertakdagi bosh qahramon va ikkinchi darajali qahramonlarni farqlay oladi; ertakda aks etgan sabab-oqibatni tushuna oladi; ramziylikni anglaydi; ertak mazmuniga koʻra jadval/chizmalar berilgan maʼlumotni tushuna oladi; ertak qahramonlariga berilgan tavsifni tushunib, ertak qahramonlariga mustaqil tavsif bera oladi; sheʼrni ifodali oʻqiydi; sheʼrdagi obrazlarni tahlil qila oladi; oʻzi yozgan ertak asosida kitobcha yasab, ertak mazmuniga mos rasm chizish/applikatsiya tayyorlay oladi.
Yozma nutq: ertak boshlanishidagi jumlalarning ketma-ketligini, tarkibidagi soʻzlarni toʻgʻri yoza oladi; jaranglilarning jarangsizlashuvi va tovushning maʼno farqlash xususiyatini aks ettiruvchi, oʻqilgan ertaklarda uchragan soʻzlar misolida tushunib, farqlay oladi.