Microsoft Word Ñåïñèñ 2021 óçá \(1\))

Антибактериал терапия 
1В 
Сепсис/септик шокга шубҳа қилинган ёки сепсис/септик шок ташхиси қўйилган ҳар қандай 
ҳомиладор/туғувчи/туққан аёлга имкон қадар тезроқ, энг яхшиси дастлабки 1-соат ичида, 
кенг таъсир доирасига эга эмпирик антибиотикларни в/и тайинлаш тавсия этилади. 
Антибактериал терапиянинг бошлаш вақти тегишли микробларга қарши дори-воситаларнинг 
фойдали таъсири учун жуда муҳим аҳамиятга эга. Ҳар бир соатга муқобил антибактериал 
терапияни кечиктириш беморларнинг яшаб қолиш даражасини 7,7% га пасайтиради ва
36 соатдан кеч бошланган рационал антибактериал терапияси яшаб қолиш даражасига деярли 
таъсир қилмайди. 
1В 
Сепсис/септик шок билан касалланган беморларда барча мумкин бўлган патогенларни 
(шу жумладан, бактериал, потенциал замбуруғ ёки вирусли) қамраб оладиган ва 
сепсиснинг тахмин қилинган ўчоғига етарли концентрацияларда кириб борадиган кенг 
таъсир доирасига эга эмпирик бир ёки бир нечта микробларга қарши дори-воситалар 
билан эмпирик терапияни бошлаш тавсия этилади. 
Антибиотикларни эмпирик танлови инфекциянинг тахмин қилинган ўчоғи, қўзғатувчиси ва 
антибиотикларга қўзғатувчининг сезгирлигига боғлиқ. Кўп ҳолатларда кенг таъсир доирасига эга 
карбапенемлар (масалан, меропенем, имипенем/циластатин ёки дорипенем) ва кенг таъсир 
доирасига эга β-лактамазалар/пенициллин ингибиторларининг (маслан, пиперациллин/ 
тазобактам ёки тикарциллин/клавуланат) комбинациялари қўлланилади. Бироқ, учинчи ёки 
тўртинчи авлод цефалоспоринлари ҳам, айниқса, бир нечта дори-дармонларн тайинлаш 
схемасининг бир қисми сифатида қўлланилиши мумкин.

---

22 
Асоратланган сийдик чиқариш йўллари инфекциялари, инфекцион эндокардит, суяклар ва 
бириктирувчи тўқима инфекциялари, нозокомиал зотилжам, шу жумладан, вентилятор 
ассоциацияланган зотилжам, тери ва юмшоқ тўқималари асоратланган инфекциялари, бактериал 
менингит, асоратланган қорин бўшлиғи инфекциялари ва юқорида санаб ўтилган инфекциялар 
билан боғлиқ бўлган бактериемияда муқобил дори-воситалар мавжуд бўлмаганда, парентерал 
фосфомицин қўлланилиши мумкин. Фосфомицин ҳам шифохонадан ташқари, ҳам шифохона ичи 
β-лактамазалар ишлаб чиқарувчи Escherichia coli бактерияларига нисбатан юқори сезгирликка 
эга.