Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
47 Chegov, ko‘ra, tovoqlar, Kuv, kelisop, o‘roqlar, Sham yoki jinchiroqlar, Qanday zamon keldiki, Paydo bo‘lsa qizbozor? Pullanadi pillaqurt, Sedana-yu tog‘kunjut, Achchiqtosh-u olmurut, Guluta 16 -yu echkisut, Qanday zamon keldiki, Paydo bo‘lsa qizbozor? Bozorda bor anqo don, Jodi, qirg‘ich, chuv, qopqon, Itbalig‘-u suvilon, Sotiladi hatto jon, Qanday zamon keldiki, Paydo bo‘lsa qizbozor? Sotishar soy ko‘prigin, Kirsovunning guprigin, Olmaxonning kiprigin, Amaldorning tuprigin, Qanday zamon keldiki, Paydo bo‘lsa qizbozor? Qilni savdo qilishar, Filni savdo qilishar, Dilni savdo qilishar, Tilni savdo qilishar, Qanday zamon keldiki, Paydo bo‘lsa qizbozor? Bukri chol ketgach, Oshiqbolaning yuragi hovliqib: «Hoy, birodarlar! Oytumor ham shu yerda bo‘lsa-ya», dedi. U Qizqo‘rg‘on sari yurmoqchi bo‘lgan edi, Rayhon qiziq yo‘lini to‘sdi. – O‘pkani bos, ukavoy, – deya o‘ychan soqol qashladi u. – Hozir qo‘rg‘onga yaqin borsang-u, Oytumor qizlarning orasida bo‘lib seni tanib qolsa, suyunganidan biron narsa deb yuboradi. Sirimiz ochilib, to‘rt yoqni askar bosadi. Chunki, Nahang o‘lponchi bizni to‘g‘rimizda ko‘pirtirib, Sepkilshohni cho‘chitib qo‘ygan. Bo‘lmasa, o‘shanda Iblisjar tarafga hiylagar kampir bilan lak-lak askarini yuborib o‘tirmasdi. – To‘g‘ri, – dedi Chumakvoy. – Biz hushyor ish qilaylik, dushman g‘aflatda yotsin. Oshiqbolaning shashti so‘nib, ikkilanganicha turib qoldi. Shunda Meshpolvon uning joniga ora kirib, zo‘r chora o‘ylab topganini aytdi. Yelkasiga ilib olgan ola terini Oshiqbolaning ustiga yopib, uyoq-buyog‘ini tikib-chatdi, archa tomiridan muguz, popukdor ishtonbog‘dan dum yasab, oshnasini bir zumda ho‘kiz qiyofasiga kiritdi. Belidagi chilvirni yechib, uning bo‘yniga bog‘lagach: «Hozir o‘tlatib 16 Гулута – қийиққа тикиладиган кашта гулини чизишда ишлатиладиган кўкиш бўр. |
