Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
83 bostirib kelayotgan olomon galasi ko‘zga chalindi. Ular g‘ala-g‘ovur bilan jangga kirib, qo‘lida nimaiki bo‘lsa o‘shani ishga solib, yovni biydalay ketishdi. Sepkilshohning borliq lashkar-u malaylari Qizqo‘rg‘onni zabt etishga yuborilgach, boshvoqsiz qolgan qullar g‘alayon ko‘tarib, endi bir-birini olg‘a itarib, qo‘lga kirgan narsani ushlab, quroli yo‘qlari yovni chapanichasiga mushtlab, maydonga tobora to‘lib borayotgan edi. Tish-tirnog‘igacha qurollangan qora papoqlilar o‘n minglab juldurvoqilarning tayog‘-u panshaxalaridan qo‘rqib, o‘ng‘ay ko‘ringan tomonga tirqirab qocha boshladi. Bu – Sepkilshoh ustidan qozonilgan uzil-kesil g‘alaba edi. * * * G‘alayonchi qullarning bir qismi Qizqo‘rg‘onga kirib kelib, qahramon mudofaachilar bilan quchoqlasha ketdilar. O‘lja tushgan qinsiz qilichni changallagan novchagina kishi panadagi qizlarni ko‘rib, «nega bunaqa hurkib turibsizlar», deya ularga yaqinlashdi. Kelgach, to‘shakda cho‘zilib yotgan Meshpolvonga ko‘zi tushib, seskanib ketdi, darhol cho‘kkalab, uning latta bog‘langan boshini asta tizzasiga oldi. Keyin: «Meshpolvon! Ko‘zingni och, o‘g‘lim! Bu menman, dadangman!» – deb qichqirdi, so‘lg‘in betiga yonog‘ini bosdi. «Yuzing buncha sovuq, bolam? Ko‘zingni och!» – dedi. Yov chiritgan o‘tloq uchun, Yov quritgan buloq uchun, Yov iritgan tuproq uchun Kichik joning kerakmidi? Qonlar tomgan cho‘llar uchun, Qayirilgan qo‘llar uchun, To‘siq tushgan yo‘llar uchun Kichik joning kerakmidi? Xazon bo‘lgan bog‘lar uchun, Qo‘porilgan tog‘lar uchun, Yurak-bag‘ri dog‘lar uchun Kichik joning kerakmidi? Sindirilgan rubob uchun, Kuydirilgan kitob uchun, Zindondagi xitob uchun Kichik joning kerakmidi? So‘lib bitgan gulshan uchun, Oyoqdagi kishan uchun, Toptalgan or-u sha’n uchun Kichik joning kerakmidi? Singan qilich zangi uchun, Maqbaralar rangi uchun, Orzu-armon jangi uchun, Kichik joning kerakmidi? |
