Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
37 picha o‘ng‘aysizlandi. – Ortiqcha ko‘ngilga olmanglar, – dedi u sheriklariga qiyalab. – Ilon afandilarni ertaga yana ovga jo‘nataman. Bundanam semizroq kalamushlarni tutib kelishadi. Keyin rosa maza qilamiz, to‘g‘rimi? Oshqozoniga ozgina iliqlik o‘rlab, Meshpolvon bu kecha hammadan oldin uxlab qoldi, xurragi Iblisjarning borliq kavak-kandiklariga yorib kira boshladi. Qorong‘uda u odamdan ko‘ra ko‘proq yertandirga o‘xshab ko‘rinardi. Yarim kechada kimdir uni chimchilayotgandek bo‘ldi. Ko‘zini ochiboq, bir sapchib tushdi. Chumakvoynikidan ham o‘siqroq pilta sochlari gajimdek hilpirayotgan to‘lpoqqina bola oppoq tutunga burkanganicha tepasida jilmayib turardi. – Kimsan o‘zing? – deya qaltirab so‘radi Meshpolvon. – Qayoqdan kepqolding? – Ie, namuncha qo‘rqasan? – Yaqinlashma menga! Qirq boshli ajdarhoni qiymachalpak qilganman. Sengayam chatoq bo‘ladi. – Iblisjar hoqonining evarasiman, menga bo‘yningni cho‘zma! Bu gapni eshitib Meshpolvonning battardan rangi oqarib ketdi: – Voy! Iblismisan hali? – Ajinaman. Otim Hojixonajina. – Nomingni eshitib, xursand bo‘ldim. Bo‘pti endi, ketaver. Hojixonajina bu gapdan ranjib qovog‘ini soldi: – Nega meni haydayapsan? – Haydayotganim yo‘q. Ko‘rib turibman, yaxshi bola ekansan. Hojixonajina tezda o‘zgarib, yana avvalgidek jilmayib boqdi: – Menga o‘rtoq bo‘lmaysanmi? – E, qo‘ysang-chi, – dedi Meshpolvon kapalagi uchib. – Boshqa o‘rtoq qurib ketibdimi? Bir kunmas bir kun sal arazlatib qo‘ysam, meni urib ketasan. Keyin yo jag‘im qiyshayadi, yo g‘ilay bo‘p qolaman. So‘ng dilidagi taxmin-u shubhalarni tilida shunday izhor qildi: Men qo‘rqmayman jaridan, Hatto qovog‘aridan. Tursa lekin ajina, O‘tgim kelar naridan. Cho‘chimayman ilondan, Dumi gajak chayondan. Ajinaga tobim yo‘q, Yetib kelding qayondan? Titramayman baqadan, Arra tishli laqqadan. Dardim tutar, gap ketsa Ajinalar xalqidan. Tap tortmayman bo‘ridan, O‘rgimchakning to‘ridan. Qorong‘ida qo‘rqaman Ajina-yu mo‘ridan. Seskanmayman chaqmoqdan, |
