Microsoft Word isajon sulton ozod ziyouz com doc

 
* * * 
Озод яна бир оз кутди, лекин бу киши бошқа сўз айтмади, 
аксинча, йўл ёқасидаги тош устига ўтириб, ҳассасини Озодга узатди. 
Озод уни олиб, бутага суяб қўйди. 
– Чарчадингизми? – деб сўради Озод. 
– Ҳа, болам, жуда узоқ йўл босдим, ҳоридим, – деди суҳбатдоши, 
ниманидир мулоҳаза қилганча. – Айтдим-ку, асрга яқин қолди деб. 
Бир оз тин олақолай. Сен эса йўлингда давом эт, менинг манзилим шу 
ерда. 
– Ҳассангиз оғир экан, – деди Озод. – Хоҳласангиз, уни мен 
кўтариб юрай? 
– Маъқул сўз айтдинг, – деди суҳбатдоши кулимсираб. – 
Ҳассакашим бўларкансан-да? 
– Сизга ҳассакаш бўлиш шарафдир, Тангрим сиздан рози бўлсин 
деб айт, – деди шамол.
Озод унинг айтганларини такрорлади. 
– Унда гапимга қулоқ сол, – деди кўр киши. – Шамол тўғри айтди 
– чўққиларга яқинлашганинг сайин даражанг ортиб бораверади. Сенга 
сўзнинг нима эканидан беҳудага баҳс этдимми? Айтар сўзинг оламни 
ўзгартирар даражага етсанг ҳам ажаб эмас. Шуни билиб қўй, болам: 
тегрангга мубораклик мақомини бера оладиган сифатинг бор, бу 
сифат худонинг махлуқлари ичида фақат сенгагина ато этилган. 
Йўлингда нималарга ва кимларга муборак деган мақом беришингни 
яхшилаб мушоҳада қил. Борақол, болам, мен энди бир оз тин олай. 
Шамолнинг менга айтган гапини қаердан била қолдингиз? – деб 
сўради Озод. 
Бир маҳаллар элингдан бир одам сафарга чиққанида, қурту 
қушлар, ўту майсалар “У келяпти” деб севиниб, муттасил бир-
бирларига хабар бериб турган эдилар, – жавоб қилди кўр киши. – 
Чунки ҳаммаси ўша кишига интизор, манзилга соғ-омон етиб 
боришини исташган эди. 

---

Исажон Султон. Озод (роман) 
www.ziyouz.com
kutubxonasi 
68
Шундай деб, у қўлларини дуога очди. Озод бу киши дуосини 
тугатгунича кутиб турди, кейин унга қўшилиб юзига фотиҳа тортди-
да, йўлида давом этди.