Microsoft Word +++Jinoyat huquqi Umum. Rustambayev 2006. doc
Download 1.81 Mb. Pdf ko'rish
|
Jinoyat huquqi Umum.Rustambayev 2006
- Bu sahifa navigatsiya:
- Sababiy bog‘lanishga nisbatan xato
|
Oqibatga nisbatan xato. Oqibatga nisbatan hato qilish ikki xil
bo‘ladi. Birinchidan, shaxs sodir etgan qilmishning oqibatini bilmaydi. Bunday holda shaxsning harakati tufayli kelib chiqqan oqibat ehtiyotsizlik natijasida kelib chiqqan deb hisoblanadi. Sodir qilinayotgan qilmishning xususiyatiga qarab xatolar har xil bo‘lishi mumkin. Masalan, jabrlanuvchining badaniga og‘ir shikast yetkazilishi uning o‘limiga sabab bo‘lsa, qilmish qanday kvalifikatsiya qilinishi kerak? Bunday holda shaxs qasddan odam o‘ldirishda emas, balki uning harakati qasddan badanga og‘ir shikast yetkazish jabrlanuvchining o‘limiga sabab bo‘lgan deb(104-moddaning 3-qismi “d” bandi) kvalifikatsiya qilinadi. Bunda badanga shikast yetkazish qasddan, o‘lim esa ehtiyotsizlikdan yuz beradi. Ikkinchidan, aybdor bir oqibatning kelib chiqishini xohlagan, ammo boshqacha oqibat kelib chiqqan bo‘lsa, aybdor qanday oqibatning kelib chiqishini xohlagan bo‘lsa, o’sha jinoyatga suiqasd qilish deb hisoblanadi. Masalan, shaxs juda ko’p miqdordagi mulkni talon-taroj qilishni maqsad qilib, obyektga tajovuz qilgan, ammo ko‘zlangan miqdordagi mulkni ololmagan. Bunday holda aybdorning harakati juda ko’p miqdordagi mulkni talon-taroj qilishga suiqasd qilish deb kvalifikatsiya qilinishi kerak. Sababiy bog‘lanishga nisbatan xato – sodir etilgan ijtimoiy xavfli qilmish bilan kelib chiqqan oqibat o‘rtasidagi sababiy bog‘lanishni voqealarning rivojlanishi tufayli noto‘g‘ri tasavvur qilishdir. Agar aybdorning qasdi(niyati) bilan qamrab olingan oqibat kelib chiqqan bo‘lsa, bunday holdagi xato subyekt aybining shakliga ta’sir qilmaydi. 181 Mavzuni mustahkamlash uchun savollar: 1. Jinoyat subyektiv tomoni va ayb tushunchalariga ta’rif bering va bu tushunchalar o‘rtasidagi farqni ayting. 2. Egri qasd va o’z-o’ziga ishonib jinoyat sodir etishning farqi nimada? 3. Murakkab aybli jinoyat deganda nimani tushunasiz ? 4. Jinoyat motivi va maqsadi nima? 5. Jinoyat huquqida xato va uning ahamiyati qanday ? Download 1.81 Mb. Do'stlaringiz bilan baham: 
|