Microsoft Word карт лой ва тузиш doc

5.4. УМУМГЕОГРАФИК КАРTАЛАРНИНГ 
МАTЕМАTИК АСОСИ 
Умумгеографик картанинг математик асосига масштаб, проексия, 
номенклатура ва компоновка киради. Математик асос картанинг мақсади 
ва мазмунига боғлиқ ҳолда танланади. Ма-салан, карта масштаби қанча 
майда бўлса, шунча кам маълумот беради. Tопографик ва обзор-
топографик карталар учун собиқ Иттифоқда геодезик кенгаш томонидан 
1934-йилда қабул қилинган масштаблар тизими қабул қилинган. 
Умумгеографик майда масштабли карталар учун 1:1 млн ва 1:2,5 млн, 
1:5 млн, 1:7,5 млн, 1:10 млн масштаблар қабул қилинган. Лекин деворга 
осиб ишлатиладиган ўқув карталарида 1:1,5 млн, 1:2 млн, 1:4 млн, 1:5 млн 
масштаблилари ҳам учраб туради. 
Картанинг проексиясини танлашда картанинг мақсади ва иш-
латилишига эътибор берилади. Одатда йирик ва ўрта масштабли карталар 

---

асосан масофа ва бурчак ўлчаш билан боғлиқ ишларда фойдаланилади. 
Tопографик ва обзор-топографик карталар учун (1:1 млн дан ташқари) 
Гаусс-Крюгернинг кўндаланг силиндрик тўғри бурчакли проексиясидан 
фойдаланилади. Бунда меридианлар ораси 6°, параллеллар ораси 4° 
бўлади. 1:1 млн масштабли карталар учун халқаро проексия қабул 
қилинган бўлиб, трапетсия томон-лари 6° ва 4° ни ташкил қилади. Бунда 
ҳар бир трапетсия учун ўзгартирилган кўп конусли проексия ҳосил бўлади. 
Кейинроқ бориб эса тўғри бурчакли конусли проексияга алмаштирилган. 
Натижада 4 ёки 9 та варақли карталарни бита варақ қилиб 
бирлаштирилганда меридианлар орасида очиқ жой қолмайди. Бу жуда 
қулай бўлиб, йирик географик ҳудудларни (раёнларни) картага туширишда 
фойдаланилади. 
1:2,5 млн масштабли Xалқаро карта Дунё картасини тузишда (океанлар 
билан бирга) қўлланилади. Бу картанинг номенклатураси 1:1 млн 
масштабли карта асосида тузилади. Унда параллеллар ораси 12°, 
меридианлар ораси 18° ни ташкил қилади. 1:2,5 млн масштаб-да собиқ 
Иттифоқнинг умумгеографик картаси тузилган (кейинроқ Красовскийнинг 
тенг 
оралиқли 
конусли 
проексясида 
тузилган). 
Бунда 
39°—49° 
параллеллар оралиғи хатоликсиз тасвирланган. Шу проексияда собиқ 
Иттифоқ Европа қисмининг 1:1,5 млн масш-табдаги гипсометрик картаси 
тузилган (1940-йил). Собиқ Иттифоқда барча карталар учун 1942-йилда 
қабул қилинган бир хил координата системасидан фойдаланилган. 
Баландлик системасида Болтиқ денгизи сатҳи 0 метр деб қабул қилинган.