Microsoft Word mvmao uzk doc

Биринчи гуруҳдаги мақсадлар ҳар кун қабул қилинадиган ва амалга 
ошириладиган одатий мақсадлар бўлиб, уларнинг бажарилишини таъминлаш 
тегишли бўғиндаги раҳбарнинг бевосита бурчига киради. Масалан, маркетинг 
бўлимининг бошлиғи олдида қуйидаги мақсад қўйилган бўлиши мумкин: 
“Ойнинг охиригача жорий йилнинг сўнгги кварталида сотилган 
товарларнинг таҳлилини қилиш ва тегишли хулосалар ясаш”. Бу анъанавий 
мақсаддир. 
Иккинчи гуруҳдаги мақсадлар одатий мақсадлардан фарқ қилади. Бу 
мақсадлар корхонага ва айрим ходимга қийинчиликлар туғдиради. Масалан, 
маҳсулотга бўлган талабнинг тўсатдан кескин пасайиши ва сотиш ҳажмининг 
камайиши, табиий равишда корхонанинг оладиган фойдасига салбий таъсир 
кўрсатади. Шундай бир шароитда корхона раҳбари олдида вазиятни 
ўзгартириш, сотиш ҳажмини, айтайлик, икки ой ичида кескин кўпайтиришдек 
мураккаб масала туради. 
Бу мақсад муаммоли мақсаддир. Чунки сотиш ҳажмини қисқа муддат (2 
ой) ичида кескин кўпайтириш: 
• маҳсулотга бўлган талабнинг кескин пасайши сабабларини 
аниқлашни; 
• кўп омилли корреляцион - регрессион таҳлилни амалга оширишни; 
• энг мақбул қарорлар қабул қилишни тақоза этади. 
Бунга бош қотириш, ақлни ишлатиш керак бўлади. 
Инновацион мақсадлар – бу янги маҳсулотни ишлаб чиқариш, янги 
технологияни жорий қилиш бўйча қўйиладиган мақсадлардир. Масалан, 
тадқиқот бўлими ходимларининг мақсади қуйидагича бўлиши мумкин: “1 

---

9
июлгача экспорт учун мўлжалланган уч турдаги янги маҳсулотни сановдан 
ўтказишни таъминлаш”. 
Мақсад қанчалик мураккаб бўлса, шунчалик у бошқарувчи учун 
муаммоли ёки инновацион бўлиши мумкин. Бироқ, бир мақсаднинг ўзи биров 
учун оддий, бошқа учун муаммоли, хатто инновацион бўлиши мумкин. 
Биринчи ҳолда раҳбар ўша мақсадни ечиш усулларини мукаммал билади, яъни 
бунинг учун унинг билими, маҳорати етарли бўлиб, уни ҳеч қандай қийналмай 
ечади. Бошқа раҳбар эса у мақсадни ўзи учун мураккаб ва муаммоли тариқада 
қабул қилади. 
Масалан, маркетинг бўлими ходими учун “кварталда сотиладиган 
товарлар таҳлилини қилиш” оддий бир иш бўлса, сотиш бўлимидаги ходим 
учун бу иш муаммо бўлади.