Microsoft Word sahih muslim1 ziyouz com doc

www.ziyouz.com kutubxonasi 
107
Bu yerda yuqoridagi hadis uch marta takror kelgan. 
443/2. Abdulloh ibn Amr roziyallohu anhudan rivoyat qilinadi. «Biz Rasululloh sollallohu 
alayhi vasallam bilan birga Makkadan Madinaga qaytayotib, yo‘ldagi suv ustida 
to‘xtasak, qavmdagilar asr vaqtiga shoshib, tahoratni ham shoshqaloqlik bilan 
bajarishdi. Biz borsak, ularning tovonlariga suv tegmagani ko‘rinib qoldi. Shunda 
Rasululloh sollallohu alayhi vasallam: «Oyog‘iga suv tegmagan joylarga do‘zaxdagi eng 
kuchli olov bo‘lsin. Tahoratingizni mukammal qilinglar», deb aytdilar». 
Bu yerda yuqoridagi hadis takror kelgan, lekin «Tahoratingizni mukammal qilinglar» 
so‘zi aytilmagan. 
444/3. Abdulloh ibn Amr roziyallohu anhudan rivoyat qilinadi. «Biz safarga 
chiqqanimizda Rasululloh sollallohu alayhi vasallam bizdan ortda qoldilar. Biz, qachonki, 
u zotni topganimizda asr vaqti kirib qolgan edi. Biz (tahorat qilayotib) oyoqlarimizga 
mash tortganimizda, Rasululloh sollallohu alayhi vasallam: «Tovoniga suv tegmaganlar 
uchun do‘zaxdagi eng kuchli olov bo‘lsin», deb nido qildilar». 
445/4. Abu Hurayra roziyallohu anhudan rivoyat qilinadi. Rasululloh sollallohu alayhi 
vasallam tovonini yuvmagan kishini ko‘rib: «Tovoniga (suv yetkazmaganlar) uchun 
do‘zaxdagi eng kuchli olov bo‘lsin», dedilar. 
446/5. Abu Hurayra roziyallohu anhudan rivoyat qilinadi. Bu zot suv idishda tahorat 
qilayotgan qavmni ko‘rib: «Tahoratni mukammal qilinglar, chunki men Abulqosim, ya’ni 
Rasululloh sollallohu alayhi vasallamning: «Tovon tepasiga (suv yetkazmaganlar uchun) 
do‘zaxdagi eng kuchli olov bo‘lsin», deb aytganlarini eshitganman», dedilar. 
447/6. Abu Hurayra roziyallohu anhudan rivoyat qilinadi. Rasululloh sollallohu alayhi 
vasallam: «Tovoniga (suv yetkazmaganlar uchun) do‘zaxdagi eng kuchli olov bo‘lsin», 
dedilar. 
10-bob Tahorat kilayotganda tahorat o‘rinlari bo‘lgan barcha a’zolarga suv