Мундарижа. Кириш 2 1-Мавзу: сертификатлаштириш фаолияти 4

9-Мавзу: СЕРТИФИКАТЛАШТИРИШДА МЕЪЁРИЙ HУЖЖАТЛАР ВА ИШЛАБ ЧИQАРИШНИ ТЕКШИРИШ

Режа:
9.1. Сертификатлаштиришнинг меъёрий hужжатлар билан таъминланиши
9.2. Сертификатлаштирилувчи маhсулот ишлаб чиqариш шароитларини текшириш
9.3. Синов лабораториялари ва уларни аккредитлаш

9.1. Сертификатлаштиришнинг меъёрий hужжатлар билан таъминланиши

Сертификатлаштиришда назорат qилинувчи маhсулотга талаблар hамда синовлар (ўлчашлар) назоратини ўтказиш стандартларда ёки бошqа техникавий hужжатларда белгиланади. Сертификатлаштиришда qўлланиладиган стандартларга алоhида талаблар qўйилади. Сертификатлаштиришда назорат остига олинувчи буюмлар тавсифи учун уларнинг миqдорий qийматлари ва ўлчаш усуллари (аниqланиши) hамда маркировка ва саqлашга талаблари бўлиши керак.
Агар буюмнинг энг кўп саqланиш муддати qайд этилган бўлса, бу муддат тугаши билан у яна синовдан ўтказилади (шундай тартиб, масалан, электрон техникаси буюмини сертификатлаштириш тизимида qабул qилинган).
Одатда сертификатлаштиришнинг миллий тизими миллий стандартларга асосланган бўлади, айрим hолларда мамлакатлар тўg‘ридан-тўg‘ри халqаро стандартларни ишлатиши hам мумкин, бунга яqqол мисол тариqасида электр-рўзg‘ор асбоблари hавфсизлиги бўйича МЭК стандартларини кўрсатиш мумкин.
Шубhасиз, халqаро тизимларда ва битимларда сертификатлаштириш халqаро стандартлар ёки бошqа техникавий иш тартиби асосида ўтказилади. Шуни qайд этиш керакки, бундай стандартларни (иш тартибини) ишлаб чиqишда асос qилиб, бирор мамлакатнинг миллий стандарти олинади, бу эса ўз навбатида, ўша мамлакатга нисбатан маълум qулайликлар яратади.
Сертификатлаштиришнинг халqаро тизимларидаги меъёрий hужжатларни ишлаб чиqиш ва ундан фойдаланишда ўзининг маълум хусусиятлари бор. Масалан, электрон техникаси буюмларни сертификатлаштириш тизимида керакли стандартлар бўлмаганда hам, агар улар МЭК томонидан ишлаб чиqилган умумий талабларга жавоб берса ва тайёрловчи билан истеъмолчи ўртасида келишилган бўлса, бошqа меъёрий hужжатдан фойдаланишга рухсат этилади.
Халqаро тизимлар ва келишувлар доирасида одатда стандартларни ва меъёрий hужжатларни ишлаб чиqадиган мамлакатлар вакилларидан иборат махсус гуруh мутахассислари ишламоqда.