Nashrga ruxsat etaman

DINIY MUTAASIBLIK – o‘z aqida va g‘oyalarining shak–shubhasiz to‘g‘riligiga qattiq ishonish, ularga muk­kasidan berilganlikni, boshqa firqa va mazhablarga murosasiz munosabatni ifodalovchi qarashlar va xatti–harakatlar majmui.

DINIY SEKTA – ma’lum bir dindagi rasmiy aqidalarga zid ravishda ajralib chiqqan yoki mavjud dinlar va kon­fessiyalarga umuman aloqasi bo‘lmagan holda din bayrog‘i ostida faoliyat ko‘rsatadigan guruh.

DODGOH – zardushtiylikda hamma uchun ochiq bo‘lgan muqaddas olov yoniq turadigan xona.

DRUDJ – zardushtiylik dinida yolg‘on so‘z.

DUJVARTSHTA – zardushtiylik dinida yovuz fikr.

DUJMATADAN – zardushtiylik dinida yovuz amal.

DUJUXTA – zardushtiylik dinida yovuz so‘z.

YEPISKOP (yunoncha, «nazoratchi») – xristian cherkovidagi ruhoniylik unvoni. Yepiskoplar havoriylarning izdo­shlari, deb hisoblanadi.

JABROIL – Alloh bilan payg‘ambarlar o‘rtasida elchi va­zifasini bajaruvchi farishta.

ZABUR – Dovud payg‘ambarga tushirilgan kitob. «Qadimgi Ahd» tarkibiga kiritilgan bo‘lib, turli qo‘shiq va madhiyalardan iborat.

ZAIF – sahih shartlaridan birortasini yo‘qotgan va hasan darajasiga yetmagan hadis.

ZAKOT – (arabcha, poklash) ehtiyojdan tashqari bo‘lgan boy­likning qirqdan bir qismini (2,5 %) sadaqa qilish. Za­kot moli zakot miqdoriga yetgan badavlat kishilar uchun farz etilgan.