Натижасида мева бужмайиши ёки

Бланширлаш. Кўплаб мева бланширланади. Олхўри тўқималари 
чандир, бўлиб бу хусусияти уларни банкага солишни қийинлаштиради. 
Иситишда ҳужайра протоплазмасининг оқсиллари коагуляцияланади, 
ҳужайралар аро бўшлиқлардаги ҳаво чиқади, натижада мева ҳажми 
қисқаради, улар эластик хусусиятга эга бўлади, бу эса банкага керакли соф 
массада мева жойлашишини таъминлайди.
Айрим нав олхўрилар (ренклодлар) стерилизация вақтида ёрилиб 
кетади. Буни олдини олиш учун уларга 5-10 с давомида 0,5-1,0%-ли ишқор 
эритмасида 90
0
С температуркада ишлов берилади ва сувда ювилади. Бунинг 
натижасида маҳсулот пўстлоғида майда, мева ташқи кўринишини 
бузмайдиган тўр ҳосил бўлади. Тўр меванинг кейинчалик стерилизация 
вақтида ёрилишига йўл қўймайди.

---

157
Ишқор билан ишлов бериш ўрнига олхўри учун сувда бланширлаш 
қўлланилади. Экстрактив моддаларнинг йўқолишини камайтириш учун 
олхўрини 80 с давомида 80
0
С температурали 25%-ли қанд сиропида 
бланширлаш ва ҳавода совутиш мақсадга мувофиқ.
Айрим нав шафтолилар кимёвий тозалашдан сўнг ҳамда кинканглар ва 
анжир 3-5 дақиқа сувда юмшатиш учун бланширланади.
Уруғли мевалар, айниқса олма, актив фермент системасига эга. 
Уларнинг таъсири остида меванинг ошловчи моддалари ҳаво кислородида 
оксидланади ва қора рангли флобафенлар ҳосил қилади. Ферментларни 
инактивлаш учун мева 0,1-0,2%-ли лимон ёки узумтоши кислоталари 
эритмасида бланширланади.
Бланширлаш температура ва давомийлиги меванинг протопектини 
эрувчан пектинга айланиб мева эзилиши орқали аниқланади. Меванинг 
кислоталилиги қанча баланд бўлса протопектин шунчалик тез пектинга 
айланади ва маҳсулотнинг эзилиш хавфи шунчалик ошади. 
Қанд протопектинни гидролизланишига қаршилик кўрсатади. Шунинг 
учун нокнинг эзилиб кетувчи навлари 5-10%-ли, олманинг шундай навлари 
эса 30-35%-ли қанд сиропида бланширланади ва ҳавода совутилади.
Маҳсулот йўқолишини камайтириш ва сифатини ошириш учун 
бланширлаш жараёнини маҳсулотни сиропга солиб вакуумлаш билан 
алмаштириш мақсадга мувофиқ. Бунинг учун мева 90-95
0
С -гача иситилган 
15-20%-ли сироп солинган резервуарга жойлаштирилади. Резервуар герметик 
тарзда беркитилади, қолдиқ босим 21-34 кПа бўлгунча вакуум-насосда ҳаво 
сўрилади ва маҳсулот унда 3-5 дақиқа ушлаб турилади. Сўнгра мева 
сиропдан ажратиб олинади ва дарҳол қадоқлашга узатилади.
Вакуумда ушлаш натижасида маҳсулотнинг экстрактив моддалари, 
жумладан ранг берувчи ва хушбўй компонентлари тўла-тўкис сақланиб 
қолади. Сироп ҳаво чиқарилган ҳужайралар аро бўшлиққа диффузияланиб 
меванинг таркибий компонентлари оксидланиши олдини олади.
Вакуумлаш маҳсулотни тараларга қадоқлагандан сўнг ҳам амалга 
оширилиши мумкин.
Тайёрланган мева унинг эти ҳаво билан контактга кириб полифенол 
бирикмалари оксидланишини олдини олиш учун дарҳол тарага қадоқланади. 
Керак бўлган ҳолларда данакли меваларни 30-40 дақиқа сувда, уруғли 
мевалар ва шафтолини – 0,5-1% -ли лимон ёки узумтоши кислотаси 
эритмасида сақлаш мумкин.
Тез пишувчи мевалар (ўрик, нок)-нинг тўқималарини кучайтириш учун 
уларни алюминий квасларининг 0,1%-ли ёки кальций тузларининг (олча)
эритмасида ушлаш йўли қўлланилади.