Nutq a'zolari va ularning vazifasi

Nutqning fonetik jihatdan bo'linishi

Inson nutqi faqat uzliksiz davom etadigan tovushlar oqimidan iborat bo'lmay, balki ohang butunligi, takt, tovush, so'z va bo'g'in kabi turli hajmdagi fonetik bo'laklardan tashkil topgan.
Nutqning ohang butunligi (fraza). Nutqning ikki to'xtam orasidagi butunlik bo'lib, u ko'pincha tugal bir gapga teng bo'ladi. Masalan; Jisrnimiz yo'qalur, o'chmas nomimiz, G'alaba to'yida bo'larmiz biz ham (H.O.)
Takt. ohang butunligining ikki qisqa to'xtam orasida keluvchi va bir bosh urg'u bilan aytiladi.
U ohang butunligi(fraza)ning bir qismi bo'lib. qisqa ohang bilan ajratib aytiladi. Masalan, dunyoda (bir o'lka bor \ biroq\ bitilmagan) dostondir bori.
Tovush. Nutq a'zolarining bir marta harakat qilib o'rniga qaytishi (ekskursiya va rekursiya) paytida yuzaga keladigan ohang birligidir.
So'z. Nutqining alohida bir urg'u bilan aytiladigan bo'lagi bo'lib, u takt ichiga yoki o'zicha mustaqil keladi. Bir takt ichida bir nechta so'z bo'lishi mumkin. Masalan: Men ne uchun \ sevaman O'zbekistonniV (A.O.) Birinchi taktda to'rtta, ikkinchi taktda esa bitta so'z bor.
Bo'g'in . Bir zarb bilan aytiladigan tovushlar yoki ayrim bir tovush bo'g'in deyiladi. So'zlami talaffuz etganimizda o'pkadan chiqayotgan havo oqimi muayyan oraliqda bo'linib-bo'linib, goh kuchli, goh kuchsiz zarb bilan o'tadi va u bo'g'inni hosil qiladi. Masalan, bolalar so'zida uch bo'g'in bor: bo-la-lar.Birinchi, ikkinchi bo'g'inlar ikkita tovushdan, uchunchi bo'g'in esa uch tovushdan taslikil topgan.
O'zbek tilida bo'g'inlarning soni so'z tarkibidagi unli tovushlar miqdoriga bog'liq, ya'ni so'zda nechta unli bo'lsa bo'g'inlar ham shuncha bo'ladi. Ayrim bir unli tovush ham mustaqil bo'g'in bo'la oladi, ammo undosh tovush yakka holda bo'g'in bo'la olmaydi, faqat undoshlar unlilar bilan birgalikda bo'g'inni tashkil qiladi.
Bo'g'in turlari. O'zbek tilida bo'g'inlar qanday tovush bilan kelishiga ko'ra ikki turga bo'linadi; 1) ochiq bo'g'in. Unli tovush bilan tugaydigan bo'gin ochiq bo'g'in deyiladi. Masalan, o-na, lo-la, to-la.
2) yopiq bo'g'in undosh tovush bilan tugaydigan bo'g'in yopiq bo'g'in hisoblanadi. Masalan. mak-tab, daf-tar.