O‘quv qo‘llanma toshkent 2020
– BOB. BUXGALTERIYA HISOBINING SUB’EKTlARI VA OB’EKTLARI
Download 0.69 Mb.
|
Oâquv qoâllanma toshkent 2020-fayllar.org
- Bu sahifa navigatsiya:
- Kalkulyatsiya buxgalteriya hisobi usulining bir elementi sifatida
- Ikki yoqlama yozuv va uning qo‘llanishi
- 4- BOB. PUL MABLAG‘LARI HISOBI
- 5- BOB. YURIDIK VA JISMONIY SHAXSLAR BILAN HISOB-KITOBLAR HISOBI
- 6- BOB. ASOSIY VOSITALAR VA NOMODDIY AKTIVLARNING HISOBI
- 8- BOB. MEHNAT VA ISH HAQI HISOBI
- 9- BOB. ASOSIY ISHLAB CHIQARISH HARAJATLARI HISOBI
- 10- BOB. TAYYOR MAHSULOT VA UNI SOTISH HISOBI
- 11- BOB. MOLIYAVIY NATIJALAR HISOBI
- 14- BOB. XARAJATLAR TAQSIMOTI VA TANNARH KALKULYASIYASI
KIRISH Respublikada amalga oshirilayotgan iqtisodiy islohotlarning yuqori sur’atlar bilan rivojlanishi va jahon iqtisodiyotida kechayotgan integratsiyalashuv jarayonlarida respublikadagi buxgalteriya hisobini moliyaviy standartlarini xalqaro standartlari talablariga muvofiq tashkil etish va yuritish, shuningdek, iqtisodiyoti rivojlangan davlatlarda yuritilayotgan buxgalteriya hisobi tizimi uchun zarur bo‘lgan eng asosiy tamoyillarni respublikamiz xo‘jalik sub’ektlarida joriy etish muhim hisoblanadi. Hozirgi kunda dolzarb masalalarini bajarishda oliy ta’lim tizimida o‘rganiladigan “Buxgalteriya hisoblari tamoyillari” fani muhim ahamiyat kasb etadi. “Buxgalteriya hisoblari tamoyillari” fani moliyaviy hisob asoslarining nazariy va amaliy tomonlarini o‘rganish bilan birga, korxonada mavjud bo‘lgan xo‘jalik mablag‘larini, sodir bo‘lgan xo‘jalik jarayonlarini hisobga olib nazorat qilishning nazariy va amaliy tomondan o‘rgatadi. Talabalarning “Buxgalteriya hisobi tamoyillari” fanidan bilimlarini chuqurlashtirishlari uchun ushbu o‘quv qo‘llanma uslubiy asos bo‘lib xizmat qiladi. O‘quv qo‘llanmada nazariy materiallardan tashqari fanni har bir mavzusiga doir nazorat savollari va tayanch iborlar keltirilgan. 1– BOB. BUXGALTERIYA HISOBINING PREDMETI, FUNKSIYASI VA TAMOYILLARI Buxgalteriya hisobining mohiyati, predmeti va funksiyalari Buxgalteriya hisobi - iqtisodiy fanlardan biri bulib, uning nazariyasi buxgalteriya hisobini tashkil etish texnikasi, predmeti va usulini o‘rgatadi. Bu fan xalq xo‘jaligi tarmoqlarida buxgalteriya hisobini yuritish usullarini o‘rganib, umumlashtirib, uning ilg‘or usullarini joriy etish bilan shug‘ullanadi. Shu bilan birga bu fan boshqa mamlakatlar buxgalteriya hisobini yuritish usullarining ilg‘or shakllarini xalq xo‘jaligi tarmoqlariga joriy etish yullarini ishlab chiqadi va amaliyotga joriy etishga tavsiya etadi. Buxgalteriya hisobi xalq xo‘jaligidagi har bir korxona tashkilot muassasa, uyushmalarda yuritilib, ularning xo‘jalik faoliyatini to‘liq eritib beradi. Xo‘jalik faoliyatini amalga oshirish uchun esa, albatta xo‘jalik mablag‘lariga, ularni tashkil topish manbasiga ega bo‘lishlari zarur bo‘ladi, hamda albatta turli xo‘jalik jarayonlari orqali bu maqsadga erishadilar. SHunday qilib, umumiy ta’rifni qo‘yidagicha berish mumkin: Buxgalteriya hisobi predmeti korxonani xo‘jalik mablag‘lari va ularni tashkil topish manbalarini, ularni xo‘jalik jarayonlari natijasida o‘zgarib borishlarini yoppasiga, uzluksiz, qonun-qoidalarga asosan hujjatlarda to‘liq, aniq, to‘g‘ri aks ettirib borishdir. Buxgalteriya hisobi bir korxona ma’lumotlari bilan chegaralanmaydi, sabab, ularning hisobotlari tegishli tashkilotlarga belgilangan muddatlarda yig‘ilib, jamlanib, butun xalq xo‘jaligi bo‘yicha ma’lumotlar olinadi, natijada ular faoliyati ustidan nazorat va boshqaruv olib boriladi. Korxonalar, muassasalarda yuritiladigan buxgalteriya hisobi «O‘zbekiston Respublikasida buxgalteriya hisobi to‘g‘risida»gi Qonuniga asoslanib olib boriladi. Korxonalar buxgalteriya hisobi shu korxonalar faoliyatini uzluksiz, yoppasiga kuzatib, hujjatlashtirib, olingan ma’lumotlarni baholash orqali schyotlar tizimida ikki yoqlamayozuv yordamida aks ettiradi, hamda hisob ma’lumotlari xaqikiyligini inventarizatsiya yordamida tekshirib, aniq va o‘g‘ri hisob ma’lumotlari asosida buxgalteriya balansi va hisobotlarini tuzadi. Buxgalteriya hisobi asosan qo‘yidagi funkitsiyalarni bajaradi: a) xalq xo‘jalik hisobi tarmoqlari korxona, tashkilot va muassasalarda sodir bo‘layotgan xo‘jalik jarayonlarini kuzatib borish; b) kuzatish orqali olingan ma’lumotlarni miqdoriy ko‘rsatmalarda ifodalash; v) korxona, tashkilot, muassasa xo‘jalik faoliyatlarini kuzatish natijalarini mahsus hujjatlarda qayd etish; g) mahsus hujjatlarda aks ettirilgan ma’lumotlarni umumlashtirish va guruhlashtirish, xo‘jalik jarayonlari ustidan nazorat o‘rnatish va ularga ta’sir etish. Buxgalteriya hisobini yuqoridagi funksiyalari ayrim korxona, muassasa va tashkilot va umuman butun xalq xo‘jaligining iqtisodiy jihatdan asoslangan joriy va kelgusidagi reja ko‘rsatkichlarini tuzishda, ular bajarilishini ustidan nazorat olib borishda muhim ahamiyatga kasb etadi. Download 0.69 Mb. Do'stlaringiz bilan baham: |
ma'muriyatiga murojaat qiling