Ot so`z turkumi (le Nom ou le Substantif)

Ot so`z turkumi (le Nom ou le Substantif)
Ot deganda jins kategoriyasiga ega bo`lgan shunday so`zlar tushuniladiki, bu so`zlar sonda o`zgara oladi va gapda odatda biror determinant bilan birga ishlatiladi.
Determinant – bu otning jinsi va sonini ko`rsata oluvchi yordamchi so`zdir, masalan:
le livre, cette maison, mes amis
Bu yerda le, cette, mes so`zlari determinant hisoblanadi.
Ot so`z turkumi gapda barcha gap bo`lagi vazifasida kela oladi, ya`ni u ega, aniqlovchi, to`ldiruvchi va hol vazifasida ishlatiladi.
Fransuz tilida ot quyidagicha tasniflanadi:

1. 
   Sanalishiga ko`ra:
   

1. 
   sanaladigan otlar – les noms nombrables: cahier-daftar, pomme-olma
   
2. 
   sanalmaydigan otlar – les noms non-nombrables. Ular ham 2 xil bo`ladi:
   

1) moddiy jismlar: eau-suv, source-chashma
2) mavhum otlar: force-kuch, musique-musiqa

2. 
   Aniqligiga ko`ra:
   

1. 
   aniq otlar – les noms concrets. Aniq ot deganda ko`z bilan ko`rib, qo`l bilan ushlab ko`rish mumkin bo`lgan otlar tushuniladi: crayon-qalam, porte-eshik
   
2. 
   mavhum otlar – les noms abstraits: patience-sabr, sourire-tabassum
   

3. 
   Atoqli-turdoshligiga ko`ra:
   

1. 
   turdosh otlar – les noms communs. Turdosh ot deb biror tushunchani umumiy ma`noda anglatuvchi so`zga aytiladi, masalan:
   

une table-stol, une chaise-stul

2. 
   atoqli otlar – les noms propres. Atoqli ot deganda biror tushunchani anglatuvchi so`zga atab qo`yilgan ot tushuniladi, masalan:
   

Pierre, Dubois, Tachkent, Paris
Atoqli otlar bosh harf bilan yoziladi, odatda doim birlikda ishlatiladi, ko`pincha
determinantsiz qo`llaniladi. Quyidagilar atoqli ot hisoblanadi.

• 
  joy nomlari: shahar, qishloq, ko`cha, yodgorlik, mamlakat, orol, tog`, suv manbaalari, dengizlar, yulduz va sayyoralar nomlari (mustasno: la terre-yer, le soleil-quyosh, la lune-oy)
  
• 
  shaxs otlari, familiyalar, taxalluslar: Gaëlle, Leblanc, Molière
  
• 
  sulolalar nomlari bosh harf bilan yoziladi: les Capétiens
  
• 
  millat nomlari ya`ni biror davlat yoki shaharda yashaydigan kishilarni anglatuvchi otlar bosh harf bilan yoziladi. Masalan: les Africains
  

4. 
   Yakka yoki to`daligiga ko`ra:
   

a) yakka otlar – les noms individuels: l`homme, le bœuf
b) to`da otlar – les noms collectifs: la foule, le troupeau

5. 
   Shakliga ko`ra:
   

a) sodda otlar – les noms simples: plume, garde.
b) yasama otlar – les noms composés: porte-plume, avant-garde

6. 
   Ot anglatgan tushunchasiga ko`ra:
   

a) shaxs otlari (insonlar va hayvonlar) – les noms d`êtres: fille, chien
b) narsa-buyum otlari – les noms de choses: livre, table