Ot so`z turkumi (le Nom ou le Substantif)

Artikl (L`Article)
Fransuz tilida artiklning 2 xil vazifasi mavjud. Bir tomondan, u o`zi bog`lanib kelgan otning jinsi va sonini ko`rsatishga xizmat qiladi. Ikkinchi tomondan esa, u otning aniq yoki noaniqligini ko`rsatadi. Boshqacha qilib aytganda, ot oldida qo`llanib, uning jins, son, aniqlik va noaniqlik kategoriyalarini ifodalab keladigan yordamchi so`z artikl deyiladi. O`zbek tilida bunday so`z turkumi mavjud emas. Artikl yolg`iz holda leksik ma`noga ega emas, binobarin, u gap bo`lagi ham bo`la olmaydi.
Artikl turlari
Fransuz tilida artiklning 3 xil shakli mavjud:

T/r	Jins va son	Aniq artikl	Noaniq artikl	Partitiv artikl
1	Mujskoy rod birlik	le, l`	un	du, de l`
2	Jenskiy rod birlik	la, l`	une	de la, de l`
3	Ikkala rod uchun ko`plik	les	des	–

Aniq artikl (Article défini)
Fransuz tilida aniq artikl le, la, l`, les hisoblanadi. Ushbu artikllar doim ot oldida qo`llanilib, otning jinsi, soni va aniqligi haqida ma`lumot beradi. Masalan:
mujskoy rod jenskiy rod
l e livre birlikda les maisons ko`plikda
aniq aniq
Aniq artikl quyidagilarni ifodalaydi:
a) Narsa-buyum, shaxs yoki mavhum tushunchani anglatayotgan ot umumiy ma`noda ishlatilsa, ya`ni u o`z turida yagona predmetni ifodalasa, masalan:
Le chien est l`ami de l`homme. – It insonning do`stidir. (Umuman olganda hamma itlar hamma insonlarning do`sti hisoblanadi).
La Lune est un satellite de la Terre. – Oy yerning yo`ldoshidir. (Oy ham, yer ham dunyoda yagona predmet hisoblanadi).
b) Narsa-buyum, shaxs yoki mavhum tushunchani anglatayotgan ot so`zlovchi va tinglovchiga tanish, “qaysi” deb so`rashning hojati bo`lmagan predmetni ifodalaydi, masalan:
Chaque matin elle accompagnait les enfants à l`école. – Har ertalab u bolalarni maktabga kuzatib qo`yardi. (Ozining bolalari, bizga tanish bolalarni).
Aniq artikl quyidagi hollarda qo`llanadi:
1) So`zlovchiga va tinglovchiga avvaldan ma`lum bo`lgan otlar oldida:
Je n`ai pas pu voir le directeur. – Men direktorni ko`ra olmadim. (Bu yerda direktor so`zi oldidagi aniq artikl tanish, o`sha, o`zimizning ma`nolarini anglatadi.)
2) Ot oldida de predlogi yoki ergash gap yordamida predmetning kimga tegishli ekanligi ma`lum bo`lsa: