Ot so`z turkumi (le Nom ou le Substantif)

Participe – sifatdosh

Gérondif – ravishdosh

Infinitif – harakat nomi

Fe`lning shaxssiz shakllari ish-harakatni anglatadi va fe`lga xos zamon va nisbat grammatik kategoriyalariga ega bo`ladi. Lekin ularning fe`ldan farqlanib turadigan va boshqa so`z turkumlariga yaqinlashtiradigan ayrim belgilari ham mavjuddir.
Infinitif otga xos bo`lgan ayrim xususiyatlarga, Participe sifatga xos bo`lgan belgilarga, Gérondif egsa ravishga xos bo`lgan ba`zi xususiyatlarga egadir.
Participe (Sifatdosh)
Sifatdosh fe`lning shaxssiz shakli bo`lishi bilan birga, u sifat va fe`lga xos belgilarga ham ega. Uning asosiy vazifasi otni aniqlab kelishdir. Fransuz tiliga sifatdoshning quyidagi shakllari mavjud:

1. 
   Participe présent – hozirgi zamon sifatdoshi
   
2. 
   Participe passé – o`tgan zamon sifatdoshi
   
3. 
   Participe passé composé – murakkab o`tgan zaamon sifatdoshi
   

Participe présent
Participe présent hozirgi zamon sifatdoshi bo`lib, u o`zi bog`lanib kelgan ot yoki olmoshga xos ish-harakat bilan bir vaqtda amalga oshirilgan boshqa bir ish-harakatni ifodalaydi:
Je regarde un garçon jouant dans la cour. – Men hovlida o`ynayotgan bolaga qarayapman.
Yasalishi: Hozirgi zamon sifatdoshini yasash uchun fe`llarning Présent de l`Indicatifda, 1-shaxs ko`plikda tuslangan shakli olinib, undagi –ons qo`shimchasi tushirib qoldiriladi va o`rniga –ant qo`shimchasi qo`shiladi:
nous annonçons – annonçant nous finissons – finissant nous lisons – lisant
Quyidagi fe`llar bu qoidadan mustasno:
avoir – ayant être – étant savoir – sachant
Olmoshli fe`llarning participe présent shaklida se olmoshi saqlanib qoladi:
se diriger – se dirigeant
Ishlatilishi: Participe présent gapda to`ldiruvchi yoki ega vazifasida ishlatilgan otga bog`lanib keladi hamda bu ot bilan rod va sonda moslashmaydi:
J`écoute les oiseaux chantant dans le bois. – Men o`rmonda sayrayotgan qushlar ovozini eshityapman.
Participe présent harakatning o`tgan, hozirgi yoki kelasi zamondaligidan qat`iy nazar, gapdagi kesim bilan bir paytda yuz beradigan ish-harakatni ifodalaydi:
Nous voyons (avons vu, verrons) les étudiants travaillant dans le jardin.