Ovozi 14. indd

Ўз мухбиримиз.
– 2023 йил 1 майдан бошлаб рас-
мий даромади етарли бўлмаган аҳо-
лига ҳам ипотека кредити олиш имко-
ни яратилади. Бу қай тартибда амалга 
оширилади?
– Мамлакатимизда ипотека кредитлари 
орқали аҳолини уй-жой билан таъминлаш 
мақсадида жорий йил 13 апрель куни Пре-
зидентимизнинг 2023 йилда бозор тамо-
йилларига асосланган ипотека кредитлари 
орқали аҳолини уй-жой билан таъминлаш 
дастурини амалга ошириш чора-тадбирла-
ри тўғрисидаги фармони эълон қилинди. 
Унга мувофиқ, тижорат банклари томо-
нидан расмий даромадга эга бўлмаган 
шахсларга ипотека кредитини ажратишга 
рухсат этилди. 
Ушбу фармонга кўра, жисмоний шахс-
ларга ипотека кредити беришнинг замона-
вий ва барқарор тизимини шакллантириш, 
уй-жой шароитини яхшилашга муҳтож 
бўлган оилаларни давлат томонидан ман-
зилли қўллаб-қувватлаш, маҳаллий ва 
халқаро капитал бозорларида молиявий 
ресурсларни жалб қилиш ва кейинча-
лик уларни ипотека кредитларини қайта 
молиялаштиришга йўналтириш мақсади 
назарда тутилган.
Шунингдек, тижорат банклари расмий 
даромадга эга бўлмаган фуқароларга ипо-
тека кредитлари ажратишда уларнинг тўлов 
қобилиятини аниқлаш учун фуқароларнинг 
банк картаси айланмаси, ижара, коммунал 
ва қонунчилик ҳужжатларида тақиқланма-
ган бошқа харажатларини инобатга олувчи 
скоринг тизимидан фойдаланади.
– Эндиликда дастлабки бадални 
кўпроқ тўлаган фуқаролар банкдан 
арзонроқ кредит олиш имкониятига 
эга бўладими?
– Президентимизнинг 2023 йил 13 ап-
релдаги фармонига асосан банкларга қарз 
олувчи томонидан тўланган дастлабки 
бадал миқдори, имтиёзли давр муддати 
ва бошқа кўрсаткичлардан келиб чиқиб, 
субсидиясиз ажратиладиган ипотека кре-
дитлари бўйича табақалаштирилган фоиз 
ставкаларини ўрнатиш ҳуқуқи берилади. 
Бунда тижорат банкларининг ички кредит 
сиёсатига асосан дастлабки бадални кўп-
роқ тўлаган фуқаролар банкдан арзонроқ 
ипотека кредитлари олиш имкониятига эга 
бўлади ва мазкур жараён алоҳида тартиб 
билан белгиланади.