O'zbek tili evfemizmlarining qisqacha izohli lug'ati a agent

- O' -
O'qqa uchmoq - fe'l. O'lmoq. Hayoti tugamoq, yashashdan to'xtamoq, shahid bo'lmoq.
Voy, Uzoqlarda o'qqa uchgan bolam (Mirmuhsin, Me'mor).
"O'rtoq boshliq" - undalma. Qorin qo'yib olgan erkaklarga kinoyali tarzda ishlatiladi.
Mana o'rtoq boshliqning o'zlari keldilar (So'zlashuv nutqidan).
O'g'il (qiz) ko'rmoq - fe'l. Tug'moq, bo'yida, qornida bo'lgan bolani bolani oy-kuni yetgach dunyoga keltirmoq.
Xotini o'n yil mobaynida ikki qiz, bir o'g'il ko'rdi. G'anijonning xotini tug'may yurib, birdaniga qo'chqorday o'g'il ko'rdi (A.Qahhor, Asarlar).
- G' -
G'arib - sifat. Kambag'al, qashshoq; faqir, bechora.
Tirnoq-la yer uyub, suvlar oqizgan G'ariblar ahvoli qolardi tanga (G'ayratiy).
G'ofil - beparvo, e'tiborsiz; parishonxotir; g'aflatda qolgan, hech narsadan bexabar.
Ey, g'ofil ona, tur, ko'zingni och, qizingning yuragiga quloq sol (S.Ahmad, Muhabbatning tug'ilishi).
G'oyib - mavjud emas, bor bo'lmagan; yashirin, pinhoniy; ko'rinmas.
Shu yerda yo'q, mavjud emas; ko'rinmay ketgan.
Shu paytda bir kabutar ajoyib, Ko'kda borar goh ko'rinib, goh g'oyib (S.Abdulla, Tohir va Zuhra).
- Sh -
Shalabbo - ravish. Suvda ivib ketgan, jiqqa ho'l, shilta.
O'zlarini panag olguncha bo'lmay, shiltayu shalabbo bo'lishdi (S.Anorboyev, Oqsoy).
Shotir - ot. Birovning xizmatini yugurib qiladigan xizmatkor; yugurdak.
Sulton Sullohovning shotirlari pitirchilashib qolishdi (T.Alimov, Xirgoyi).
Shumtaka - sifat. Nihoyatda sho'x, to'polonchi bola.
Hozir to'palon ko'tarishadi, miyamni qoqib qo'limga berishadi, bu shumtakalar, eplab bo'larmidi ularni (R.Fayziy, Hazrati inson).
Sho'ralamoq - fe'l. Po'st tashlamoq, quruqshamoq.
Kichkintoyingizning yuzi sho'ralab yoki quruqlashib ketmasin desangiz, uning yuzini sovun bilan ko'p yuvmang (Gazetadan).