O'zbek tili evfemizmlarining qisqacha izohli lug'ati a agent

Etdor - sifat. Semiz, baqaloq.
Hoji xola uzukni etdor sinchalog'iga o'tkaza turibhiringladi (M.Ismoiliy Farg'onada t.o.).
Ehson - ot. Hadya qilish, xayr-sadaqa, muruvvat, xayr-saxovat. Xudo yo'liga beriladigan ziyofat.
Otabekdan katta-katta ehsonlar bo'lgani uchun, vaqtning kuchliligiga ham e'tibor qilmay kirgan edi (A.Qodiriy, O'tgan kunlar).
- F -
Farrosh - ot. Xizmatkor, malay, yig'ishtiruvchi.
O'nlab farroshlar hafsala bilan yer supurgan, meshkobchilar etaklarini, belboqqa qistirib, suv sepgan (S.Siyoyev, Avaz).
Firib - ot. Aldov, aldamchilik, yo'ldan ozdirish, hiyla, makr.
- G -
Gumona - ot. Ona qornidagi bola.
Gung - sifat. So'zlashish qobiliyatidan mahrum bo'lgan; tilsiz, soqov, gungalak.
Bolaning javob berishga tili kelmay, go'yo gung bo'lib qolgandi (P.Tursun, O'qituvchi).
- H-
Hammol - ot. Yuk tashish, ortish, tushirish bilan shug'ullanuvchi qora ishchi, xizmatkor.
Hammollik qilay desam avvalgidek qoplab g'alla qoplab sabzi-sholg'om oladigan badavlatning tuxumi qurigan (G'.G'ulom, Mening o'g'rigina bolam).
Hayo - ot. Uyat, sharm, or, nomus.
Had - ot. Daraja; chek, chegara; oxir, poyon, nihoya.
Ish siz degan haddan o'tibdi!-dedi keskin e'tiroz bilan Husayn Boyqaro (Oybek, Navoiy).
Hayot - ot. Yashash, mavjud bo'lish, tiriklik.
Yaqin atrofimizni o'rganib, faqat sayyorangizda hayot borligini aniqlaganimizga ancha bo'ldi (O.Mo'minov, Hiyobondagi uch uchrashuv).
Bobongiz hayotmi?
- I -
Ijtimoiy larza - ot. Notinchlik, beboshlik harakati natijasida ro'y beradigan salbiy holat.
Albatta necha yillar mobaynida hal etilmagan, xalqning sabr kosasini to'ldirgan bunday muammolar oxir-oqibatda ijtimoiy larzaga olib kelishi muqarrar edi (I.Karimov, O'zbekiston mustaqillikka erishish arafasida).
Ikkiqat - sifat. Bo'g'oz, homilador xotin.
To'rtinchi bolasiga ikkiqat bo'lganida har xil yo'riqlar o'rgata boshladilar (Oydin, Hikoyalar).