O'zbek tili evfemizmlarining qisqacha izohli lug'ati a agent

Yoshi bir joyga borgan - sifat. Uzoq umr ko'rgan, juda qari. Kundalik turmush yumushlariga yaramaydigan kishi.
Odatda umr bo'yi vaqtni qadrlamagan, yoshi bir joyga yetib "ko'zi ochilgan" ijodkorlar ellikdan o'tib sermahsul bo'lib qolishadi.
(Buxoronoma, 2013-yil, 27-fevral).
Yoshi katta - sifat. Yosh emas, o'rtacha yoshdagi yoki qari kishi.
Novvoyxonaga bir yoshi katta odam keldi, usta bilan suhbatlashdi, keyin shu daftarni qo'limga tutqazib, sizga berib yuborishdi (Ahmad Lutfi Qozonchi, Qaynona).
Yoshi ulug' - sifat. Qari, ko'pni ko'rgan, hayotiy tajribasi yetrali shaxs.
Yoshim ulug'. Ulug'larga hurmatim qani? (Ahmad Lutfi Qozonchi, Qaynona).
Yoshi ulg'aygan - sifat. Ancha yoshga borgan, ko'pni ko'rgan shaxs.
Odam yoshi ulg'aygani sari hayotiy tajribasi ham ortib boradi, ro'zg'or ishlariga ham uquvli bo'ladi (Saodat, 2010).
Yukli - sifat. Homilador, homilasi bor. Bo'g'oz, yukli xotin.
Pulimiz yo'qligi yetmay, sargardon sarg'ayganimiz yetmay, buning ustiga, yukli bo'lib qolganim ikkimizni qayg'udan qayg'uga otardi, - dedi Hoji xola (M.Ismoiliy, Farg'onada tong otguncha).
Yukchi - ot. Yuk tashish, ortish, tushirish bilan shug'ullanuvchi ishchi, xizmatkor.
Stepan dushman qo'liga o'tib ketgan kichik bir paroxodga yukchi bo'lib ishga kirdi (A.Muxtor, Qoraqalpoq qissasi).
Yo'ldosh - ot. Xotin, umr yo'ldoshi.
O'ziga bir yo'ldoshni istar, Bir qadrdon sirdoshni istar (H.Olimjon).
- Z -
Zaifa - ot. Xotin, rafiqa, jufti halol yoki shunchaki xotin kishi.
Og'amning zaifasi farzand dog'idan telba bo'lib qoldi, - dedi Qutbiddin (P.Qodirov, Yulduzli tunlar).
Zaxm - ot. 1.Zarba; yara, jarohat. Tig', nayza kabi o'tkir narsalardan badanga yetgan jarohat.
2. Yuqumli, surunkali tanosil kasalligi; sifilis.
- O'q va qilich zahmi va zarbini ko'rmagan yigitning maqtanishini qarang, - dedi Temirtosh (Mirkarim Osim, O'tror).