O’zbekiston respublikasi maktabgacha ta’lim vazirligi

V bob. Bolaning kunlik faoliyatini tashkil etish

Maktabga tayyorlov guruhlari quyidagi rejimda ishlashlari mumkin: bolalar qisqa vaqt bo’ladigan guruhlar - kuniga 3,5 -4 soat;

to’liq kunli guruhlar - kuniga 10,5 soat.
Bu guruhlarda shunday kundalik tartibni ta'minlash juda muhimki, u ratsional va oqilona bo’lib, turli xil faoliyat turlari va bolalarning dam olishlari o’zaro bog’liq.
Ushbu guruhlarda kun tartibini to’g’ri tashkil etish, bolalar uchun turli xil faoliyat turlari va dam olish vaqtlarini ta'minlash juda muhimdir.

5.1. Taxminiy kun tartibi

Kun tartibini to’g’ri tashkil etishning asosiy tamoyili bolalarning yoshga bog’liq psixofiziologik xususiyatlariga muvofiqligi hisoblanadi.

"Ilm yo’li" variativ dasturida 6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli guruhlari uchun taxminiy kunlik¹² jadval taklif etiladi, bu taxminiy hisoblanib, har bir maktabgacha ta'lim tashkiloti kun tartibini o’z imkoniyatlari (mintaqadagi iqlim, bolalar kontingenti va h.k.)ni hisobga olgan holda tuzishi kerak. Ilovada¹³ kun tartibni tashkil etish bo’yicha tavsiyalar keltirilgan.
Yoz oylarida kun tartibi bolalarni sog’lom qilib tarbiyalash, ularga maroqli dam olish imkonini berish hamda ularni qabul qilish, ertalabki mashqlar, bolalar faoliyati turlarining bir


¹¹Sh.Mirziyoyeva, I.V.Grosheva, U.T.Mikailova, N.A.Isaxodjayeva, E.A.Nekrasova, I.V.Kuryayeva “Maktabgacha ta’lim
tashkilotlarida o’quv jarayonini individullashtirish” 55-bet. Toshkent-2020
¹²“Taxminiy kun tartibi”dasturning 3-ilovasi
¹³“6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli guruhlarning kun tartibini to’g’ri tashkil etish bo’yicha tavsiyalar” dasturning 4-ilovasi
qismi, ertalabki va kechki davra suhbatlari o’tgan kun refleksiyasi ochiq havoda amalga oshirilishini inobatga olib tuzilishi kerak.