O’zbekiston respublikasi maktabgacha ta’lim vazirligi

VI bob. Ta’lim-tarbiya jarayoni

6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli guruhlarida ta’lim-tarbiya jarayonlari o’quv dasturi asosida amalga oshiriladi¹⁴.
Ta'lim-tarbiya jarayoni quyidagi tamoyillarga asoslanadi:

• 
  bolaga yo’naltirilgan ta'lim yondashuvi;
  

• 
  inklyuziv ta'limni ta'minlash;
  
• 
  bolaning har tomonlama (yaxlit) rivojlanishini ta'minlaydigan ta'lim muhiti xususiyatlarini belgilash;
  
• 
  o’yin ta’limiy-tarbiyaviy jarayonning asosi hisoblanadi;
  
• 
  bola ta’lim jarayonining faol ishtirokchisi;
  
• 
  rejalashtirish va baholash samaradorligi;
  
• 
  ota-onalar bilan hamkorlik;
  
• 
  interaktiv ta'lim;
  
• 
  integratsiyalashgan ta'lim.
  

Dasturning asosiy vazifalari nafaqat bolalar faoliyatining tashkil etilgan turlarida (frontal, guruhlarda), balki bolalar, pedagoglar va ota-onalarning individual, mustaqil, o’yinli, birgalikdagi faoliyatida ham to’liq namoyon bo’lishi kerak.
Maktabgacha ta’lim tashkilotlarida ta’lim tili va chet tillaridan foydalanish tartibi O’zbekiston Respublikasining “Davlat tili to’g’risida”gi qonuni bilan tartibga solinadi¹⁵.
Maktabgacha ta’lim tashkiloti o’quv yili davomida 6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli guruhlarida ta’lim-tarbiya jarayonlarini tashkil etadi.
Maktabgacha ta’lim tashkiloti ta’lim va tarbiya jarayonini o’quv yili bo’yicha tashkil qiladi. O’quv yili 2-sentabrda boshlanadi va 31-maygacha davom etadi. 1-iyundan 31-avgustgacha MTTda yozgi sog’lomlashtirish davri tashkil etiladi.
6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli tayyorlov guruhlarida haftasiga kamida 15 soat davomida ta’lim-tarbiya jarayonlari tashkil etiladi.
6-7 yoshli bolalarni boshlang’ich ta’limga majburiy bepul bir yillik tayyorlov guruhlari davlat maktabgacha ta’lim tashkilotlari, maktablar, hamjamiyat (mahallalar), nodavlat maktabgacha ta’lim tashkilotlarida tashkil etilishi mumkin.
Ushbu guruhlarning bolalari ro’yxati uyma-uy yurish orqali shakllantiriladi, bu kabi jarayonlar maktabgacha ta'lim tashkiloti xodimlari tomonidan belgilangan hududda (hudud) amalga oshiriladi.
6-7 yoshli bolalarni boshlang’ich ta’limga majburiy bepul bir yillik tayyorlov guruhlari faoliyati qonun hujjatlarida belgilangan tartibda amalga oshiriladi¹⁶.




¹⁴“6-7 yoshli bolalarni boshlang’ich ta’limga majburiy bepul bir yillik tayyorlov va to’liq kunli guruhlar uchun namunaviy o’quv
reja” dasturning 5-ilovasi
¹⁵O‘zbekiston Respublikasining 1989-yil 21-oktabrda qabul qilingan “O‘zbekiston Respublikasining davlat tili haqida”gi Qonuni (O‘zbekiston Respublikasi Oliy Sovetining Vedomostlari, 1989-yil, № 26-28, 453-modda)
¹⁶O’zbekiston Respublikasi Vazirlar Mahkamasining “Bolalarni boshlang‘ich ta’limga majburiy bir yillik tayyorlash tizimini
yanada rivojlantirish chora-tadbirlari to‘g‘risida” 2020-yil 9-martdagi 132-son qarori.
6-7 yoshli bolalarni boshlang’ich ta’limga majburiy bepul bir yillik tayyorlov guruhlarini tamomlagan bolalarga “Boshlang’ich ta’limga majburiy bir yillik tayyorlovdan o’tganlik to’g’risida”gi sertifikat beriladi.