O`zbekiston respublikasi oliy va o`rta maxsus ta`lim vazirligi al-xorazmiy nomidagi urganch davlat universiteti
Download 5.01 Kb. Pdf ko'rish
|
- Bu sahifa navigatsiya:
- FOYDALI MASLAHATLAR
- 2. Pedagogning zamonaviy metodik salohiyati quyidagilar bilan tavsiflanadi
- 2. Milliy dasturning maqsadi, vazifalari va uni ro`yobga chiqarish bosqichlari 2.1. Dasturning maqsad va vazifalari
- 2.2. Dasturni ro`yobga chiqarish bosqichlari
«CHET TILI» FANI MUALLIF HAQIDA MA’LUMOT 176 Muallif haqida ma`lumot. Xodjayeva Gulshod Baxadirovna 1997 yil Urganch Davlat universiteti Nemis tili yo’nalishiga xujjat topshirib grant asosida o’qishga kirdi va 2001 yil shu yo’nalishni muvafaqqiyatli tugatdi. Shu yili universitetning Jaxon tillari fakulteti “Fakultetlararo xorijiy tillar” kafedrasiga o’qituvchi bo’lib ishga qabul qilindi. 2002 – 2004 yil magistraturaning Lingvsitika (nemis tili) mutaxassisligini imtiyozli diplom bilan tugalladi. 2005 yil yana shu kafedrada ishini davom qildirdi. Faoliyati davrida o’zining ishga ma`suliyat bilan yondashishi, o’z sohasining yaxshi mutaxassisi ekanini ko’rsatdi. Viloyat, Universitet miqiyosida o’tkazilgan ilmiy – amaliy konferentsiyalarda ma`ruzalari bilan ishtirok etgan. Xodjayeva Gulshod 10 dan ziyod ilmiy va ommabob maqolalarini halqaro, respublika, va viloyat miqiyosida jurnal, hamda gazetalarda chop kildirgan. Hozirgi kunda Xodjayeva Gulshod ilmiy rahbari f.f.n., prof. Jumaniyazov Ataboy raxbarligida «Til normasi va o’zbek tiliga german tillaridan kirib kelgan so’zlarning leksikografik kodifikatsiyasi» mavzusida nomzodlik ilmiy ishini davom ettirgan xolda ish olib bormoqda. Ilmiy ishi yuzasidan 3 ta nomzodlik (Ingliz tili,Falsafa va axborot texnologiyalari) minimumlarini a`lo va yaxshi baxolarga topshirgan. Talabalar bilan ishlash jarayonida interfaol metodlar bilan ishlaydi. Fakultetning barcha jamoat ishlarida faol qatnashadi. 2006-2011 yillarda O’zDJTUda o’z malakasini oshirib qaytdi. 2007 yil Germaniyaning Gyote instituti grantini yutib Gyottingen shahrida malakasini oshirib qaytdi. 2011yil aprel oyida O’zbekistonlik nemis tili o’qituvchilari konferentsiyasining malaka oshirish seminarida ishtirok etdi. 2013 yil Germaniyaning Gyote instituti grantini yutib Berlin shahrida malakasini oshirib qaytdi. 177 FOYDALI MASLAHATLAR 178 O’qituvchi o’quv jarayonida qo’llashi kerak bo’lgan holatlar: 1. O’qituvchi va talaba o’rtasidagi munosabatlarning o’zgarishi (hamkorlik pedagogikasi); 2. faqat “quloq solish” emas, balki “ishtirok etish yo’li orqali o’qitish; 3. faqat natijaga emas, balki jarayonga ham qarash; 4. o’qitishning zamonaviy yo’llari va usullarining keng “repertuariga” ega bo’lish; 5. empatiya va refleksiyani qo’llash; 6. tanqidiy fikrlashni rivojlantirish usullarini qo’llash; 7. shaxsga yo’naltirilgan, gumanistik pedagogikani o’zlashtirish va unga amal qilish; 8. talabalarni o’qishga undash va faollashtirishning zamonaviy usullarini qo’llash; 9. aniq mashg’ulot o’tkazish jarayonida, jumladan yaratish va izlanish-ijodiy darajalarida o’qitishning zamonaviy texnologiyalari va usullarini qo’llashning xilma-xilligi; 10. o’qitish natijalarini baholashning zamonaviy tizimini qo’llashni namoyish qilish. 2. Pedagogning zamonaviy metodik salohiyati quyidagilar bilan tavsiflanadi: - u faqat boshqalarni o’qitish bilan cheklanmasdan, o’zining mustaqil ta’limi bilan ham shug’ullanadi; - uning ishi faqatgina o’quv dasturida ko’zda tutilgan ma’lumotni talabalarga etkazib berish bilan cheklanmaydi, balki turli usullarni qo’llab, talabalarni o’quv jarayonida faol qatnashishga undaydi. Buning uchun u o’zining hatti- harakatining an’anaviy modelini o’zgartirishi, o’zi ko’proq interaktiv bo’lishi kerak; - o’qituvchi innovatsion va pedagogik texnologiyalardan foydalana olishi lozim, chunki hamma yangi o’quv usullari va shakllari ular bilan bog’liqdir; - o’quv jarayonini tashkil etish ba’zi bir muomala ko’nikmalarini, kommunikabellikni, o’zgaruvchanlikni, mustaqil qarorlarni qabul qilishni, o’z faoliyatining natijalarini tanqidiy baholashni talab qiladi; - Internet, masofaviy ta’lim rivojlanishi va ulardan foydalanuvchilarning soni ko’payishi bois, ularni o’qita oladigan maxsus mutaxassis - pedagoglar kerak bo’ladi. 1. Ma’lumotni qabul qilish, o’zlashtirish, qayta ishlashda talabaning intellektual imkonini hisobga olish: o verbal-lingvistik, so’z va til bilan bog’liq (yozma va og’zaki) qobiliyati; o mavzuiy-mantiqiy, deduktiv fikrlash, son va abstrakt belgilar bilan bog’liq; o shaxsning o’z ichki refleksini qamrab olgan xususiyati, ma’naviy mavjudotni, o’zining “men”ligi ichki holatini anglashi; o insonlararo munosabatlar, asosan muomala bilan bog’liq; o fazoviy idrok, ob’ektiv ko’rib, u haqda aqliy zohiriy tasavvur hosil qilish xususiyati; 179 o fizik harakat va tanani boshqarish, jumladan harakatlarni nazorat qiluvchi miya mexanizmi bilan aloqador bo’lgan jismoniy-kinetik xususiyat; o o’z ichiga ohangdorlik namunalarini jamlagan, uning ritmini his etishi bilan bog’liq musiqiy-ritmik xususiyat. 2. Ta’limda an’anaviy va zamonaviy yondashuvlarni qiyoslash: An’anaviy yondashuv Zamonaviy yondashuv 1. Asosiy e’tibor o’qitish mazmuniga qaratilgan. Asosiy e’tibor o’qitishning mazmuniga va jarayoniga qaratilgan 2. O’qituvchi – boshqaruvchi, talaba – boshqariluvchi Talaba o’quv jarayonining faol ishtirokchisi 3. O’quv maqsadlari oldindan aniqlashtirilgan O’quv maqsadlari muzokarada aniqlanib, kutilayotgan natija orqali aks ettiriladi. 4. O’qituvchi bilimlarini monolog orqali etkazadi O’qituvchi o’quv jarayonining ishtirokchisi, dialog, poliloglarni qo’llaydi. 5. “Men bilamanki...” yondoshuviga urg’u beriladi “Men qanday bilaman” yondoshuviga urg’u beriladi. 6. Talaba axborotni passiv holatda qabul qiladi Talabalar bilimlarni faol qabul qiladi va o’zlashtiradi. 7. O’qituvchi to’g’ri javobni shakll holatda talab qiladi. O’qituvchi savolga turli xil javoblarni rag’batlantiradi. 8. Mashg’ulotlarning “dasturlanganligi” va qat’iy tuzilmasiga amal qilinishi Mashg’ulotlar talabalarning imkoniyat va talablari doirasida tashkil etilishi 9. Xatolarga “yuqoridan pastga” qarashadi Xatolarning ikki tomonlama taxlili va tajribaning oshishi. 10. O’qituvchi faoliyati asosan avtoritar. Pedagog faoliyatining usuli rag’batlantiruvchi, demokratik. 11. Asosiy e’tibor nazariyaga qaratilgan Asosiy qismi amaliyotga asoslangan nazariy e’tibor 12. O’qitishga o’quv fan-funktsional yondashuv O’qitishga muammoviy-fanlararo yondashuv 13. Faoliyatning etarli bo’lmagan produktiv barqaror stereotiplari Qo’llanilayotgan pedagogik usulning turli-tumanligi 2. O’qitishning vazifalarini tekshirish va baholash maqsadida quyidagi qoidalarni qo’llang: 1. har bir vazifalar guruhini “Dars yakunida talabalar quyidagilarni bajara olishlari lozim ...” - deb boshlang; 180 2. vazifalarni alohida raqamlang; 3. beriladigan vazifalarni quyidagi fe’llardan boshlang: sanab o’ting, eslang, so’zlab bering, ko’rsatib bering, tanlang, hisoblang va hokazo.; 4. har bir vazifani talaba so’zi bilan qo’ying (o’qituvchi atamasida emas); 5. topshiriqlar xilma-xilligidan qat’iy nazar faqat BITTA natijani ko’zlasin; 6. dars boskichlarini shunday rejalashtiringki, toki u o’qituvchining o’tadigan dars bosqichlarini emas, balki “talabaning o’zini keyinchalik qanday tutishi kerakligiga ishora qilsin”; 7. muammolarni shunday qo’yingki, uning echimini mezonlash va qanday qilib maqsadga erishilganligini aniqlash mumkin bo’lsin; 8. ular buni qila oladilarmi? – degan savol topshiriq berishdan oldin ishlatiladi (kerakli test topshiriqlarini tuzishda). 181 TA`LIM JARAYONINI TARTIBGA SOLUVCHI NORMATIV -HUQUQIY HUJJATLAR 182 O’ZBEKISTON RESPUBLIKASINING KONSTITUTSIYASI 41-modda. Har kim bilim olish huquqiga ega. Bepul umumiy ta`lim olish davlat tomonidan kafolatlanadi. Maktab ishlari davlat nazoratidadir. O`ZBEKISTON RESPUBLIKASINING QONUNI KADRLAR TAYYORLASH MILLIY DASTURI TO`G`RISIDA* O`zbekiston Respublikasi Oliy Majlisi qaror qiladi: 1. Kadrlar tayyorlash milliy dasturi tasdiqlansin. 2. O`zbekiston Respublikasi Vazirlar Mahkamasi Kadrlar tayyorlash milliy dasturini bosqichmabosqich ro`yobga chiqarish yuzasidan kompleks tadbirlar rejasini ishlab chiqib amalga oshirsin. Davlat budjetini tasdiqlashda milliy dasturning moliyaviy va moddiy ta’minotiga alohida e’tibor berilsin. O`zbekiston Respublikasining Prezidenti I. KARIMOV Toshkent sh., 1997-yil 29-avgust, 463-I-son * 1998-yil 28-martdan kuchga kirgan. Kadrlar tayyorlash milliy dasturi Umumiy qoidalar O`zbekiston Respublikasi inson huquqlari va erkinliklariga rioya etilishini, jamiyatning ma’naviy yangilanishini, ijtimoiy yo`naltirilgan bozor iqtisodiyotini shakllantirishni, jahon hamjamiyatiga qo`shilishni ta’minlaydigan demokratik huquqiy davlat va ochiq fuqarolik jamiyati qurmokda. Inson, uning har tomonlama uyg`un kamol topishi va farovonligi, shaxs manfaatlarini ro`yobga chiqarishning sharoitlarini va ta’sirchan mexanizmlarini yaratish, eskirgan tafakkur va ijtimoiy xulqatvorning andozalarini o`zgartirish respublikada amalga oshirilayotgan islohotlarning asosiy maqsadi va harakatlantiruvchi kuchidir. Xalqning boy intellektual merosi va umumbashariy qadriyatlar asosida, zamonaviy madaniyat, iqtisodiyot, fan, texnika va texnologiyalarning yutuqlari asosida kadrlar tayyorlashning mukammal tizimini shakllantirish O`zbekiston taraqqiyotining muhim shartidir. Kadrlar tayyorlash milliy dasturi «Ta’lim to`g`risida»gi O`zbekiston Respublikasi Qonunining qoidalariga muvofiq holda tayyorlangan bo`lib, milliy tajribaning tahlili va ta’lim tizimidagi jahon miqyosidagi yutuqlar asosida tayyorlangan hamda yuksak umumiy va kasb-hunar madaniyatiga, ijodiy va ijtimoiy faollikka, ijtimoiy-siyosiy hayotda mustaqil ravishda mo`ljalni to`g`ri ola bilish mahoratiga ega bo`lgan, istiqbol vazifalarini ilgari surish va hal etishga qodir 183 kadrlarning yangi avlodini shakllantirishga yo`naltirilgandir. Dastur kadrlar tayyorlash milliy modelini ro`yobga chiqarishni, har tomonlama kamol topgan, jamiyatda turmushga moslashgan, ta’lim va kasb-hunar dasturlarini ongli ravishda tanlash va keyinchalik puxta o`zlashtirish uchun ijtimoiy-siyosiy, huquqiy, psixologik-pedagogik va boshqa tarzdagi sharoitlarni yaratishni, jamiyat, davlat va oila oldida o`z javobgarligini his etadigan fuqarolarni tarbiyalashni nazarda tutadi. 1. Muammolar va kadrlar tayyorlash tizimini tubdan isloh qilish omillari 1.1. Rivojlanishning erishilgan darajasi 1.2. Kamchiliklar va muammolar 1.3. Isloh qilish omillari 2. Milliy dasturning maqsadi, vazifalari va uni ro`yobga chiqarish bosqichlari 2.1. Dasturning maqsad va vazifalari Mazkur dasturning maqsadi ta’lim sohasini tubdan isloh qilish, uni o`tmishdan qolgan mafkuraviy qarashlar va sarqitlardan to`la xalos etish, rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar tayyorlash Milliy tizimini yaratishdir. Ushbu maqsadni ro`yobga chiqarish quyidagi vazifalar hal etilishini nazarda tutadi: «Ta’lim to`g`risida»gi O`zbekiston Respublikasi Qonuniga muvofiq ta’lim tizimini isloh qilish, davlat va nodavlat ta’lim muassasalari hamda ta’lim va kadrlar tayyorlash sohasida raqobat muhitini shakllantirish negizida ta’lim tizimini yagona o`quvilmiyishlab chiqarish majmui sifatida izchil rivojlantirishni ta’minlash; ta’lim va kadrlar tayyorlash tizimini jamiyatda amalga oshirilayotgan yangilanish, rivojlangan demokratik huquqiy davlat qurilishi jarayonlariga moslash; kadrlar tayyorlash tizimi muassasalarini yuqori malakali mutaxassislar bilan ta’minlash, pedagogik faoliyatning nufuzi va ijtimoiy maqomini ko`tarish; kadrlar tayyorlash tizimi va mazmunini mamlakatning ijtimoiy va iqtisodiy taraqqiyoti istiqbollaridan, jamiyat ehtiyojlaridan, fan, madaniyat, texnika va texnologiyaning zamonaviy yutuqlaridan kelib chiqqan holda qayta qurish; ta’lim oluvchilarni ma’naviy-axloqiy tarbiyalashning va ma’rifiy ishlarning samarali shakllari hamda uslublarini ishlab chiqish va joriy etish; ta’lim va kadrlar tayyorlash, ta’lim muassasalarini attestatsiyadan o`tkazish va akkreditatsiya qilish sifatiga baho berishning xolis tizimini joriy qilish; yangi ijtimoiyiqtisodiy sharoitlarda ta’limning talab qilinadigan darajasi va sifatini, kadrlar tayyorlash tizimining amalda faoliyat ko`rsatishi va barkaror rivojlanishining kafolatlarini, ustuvorligini ta’minlovchi normativ, moddiy-texnika va axborot bazasini yaratish; 184 ta’lim, fan va ishlab chiqarish samarali integratsiyalashuvini ta’minlash, tayyorlanayotgan kadrlarning mikdori va sifatiga nisbatan davlatning talablarini, shuningdek nodavlat tuzilmalari, korxonalar va tashkilotlarning buyurtmalarini shakllantirishning' mexanizmlarini ishlab chiqish; uzluksiz ta’lim va kadrlar tayyorlash tizimiga budjetdan tashqari mablag`lar, shu jumladan chet el investitsiyalari jalb etishning real mexanizmlarini ishlab chiqish va amaliyotga joriy etish; kadrlar tayyorlash sohasida o`zaro manfaatli xalqaro hamkorlikni rivojlantirish. 2.2. Dasturni ro`yobga chiqarish bosqichlari Milliy dasturning maqsad va vazifalari bosqichmabosqich ro`yobga chiqariladi. Birinchi bosqich (1997 — 2001 yillar) mavjud kadrlar tayyorlash tizimining ijobiy salohiyatini saqlab qolish asosida ushbu tizimni isloh qilish va rivojlantirish uchun huquqiy, kadrlar jihatidan, ilmiyuslubiy, moliyaviymoddiy shartsharoitlar yaratish. Ushbu bosqichda kuyidagilarni amalga oshirish zarur: «Ta’lim to`g`risida»gi Qonunga muvofiq ta’lim tizimi mazmunini tarkibiy qayta qurish va tubdan yangilash; pedagog va ilmiy-pedagog kadrlar tayyorlash hamda ularning malakasini oshirishni zamon talablariga javob beradigan darajada tashkil etish; ta’lim oluvchilarning yuksak tayyorgarlilik darajasi, malakasi, madaniy va ma’naviy-axloqiy saviyasining sifatiga nisbatan qo`yiladigan zarur talablarni belgilab beruvchi davlat ta’lim standartlarini yaratish va joriy etish; o`quv-uslubiy majmualarning hamda ta’lim jarayoni didaktik va axborot ta’minotining yangi avlodini ishlab chiqish va joriy etish; o`rta maxsus, kasb-hunar ta’limi uchun zarur moddiy-texnika, o`quv-uslubiy va kadrlar bazasini tayyorlash; ta’lim va kadrlar tayyorlashga budjetdan tashqari mablag`lar jalb etishning mexanizmlarini takomillashtirish, davlat ta’lim muassasalari bilan bir qatorda nodavlat ta’lim muassasalarini rivojlantirishni ham nazarda tutgan holda ta’lim xizmati ko`rsatish sohasida raqobatga asoslangan muhitni vujudga keltirish; ta’lim muassasalari faoliyatiga baho berishning reyting tizimini, kadrlar tayyorlash sifati va ularga bo`lgan ehtiyojning monitoringini olib borish tizimini ishlab chiqish va joriy etish; xalqaro aloqalarni kengaytirish va kuchaytirish, kadrlar tayyorlashda xalqaro donorlik tashkilotlari va fondlari faoliyatiga tegishli sharoitlar yaratish, shuningdek respublika ta’lim sohasiga chet el investitsiyalarini jalb etish bo`yicha real choratadbirlar ishlab chiqish va ularni amalga oshirish; Kadrlar tayyorlash milliy dasturini ro`yobga chiqarishning monitoringini olib borish. Ushbu bosqichda bolalarni olti-etti yoshdan maktabga qabul qilish, ularning jismoniy va aqliy jihatdan rivojlanganligini e’tiborga olgan holda amalga oshiriladi. Taqozo etilayotgan o`quvchi o`rinlari zarur moddiy-texnika shartsharoitlari va pedagog kadrlar bilan ta’minlangan holda izchil tayyorlanadi. Birinchi boskich bajarilishining monitoringi asosida Milliy dasturni ro`yobga chiqarish yo`nalishlariga aniqliklar kiritiladi. 185 Ikkinchi bosqich (2001 — 2005 yillar) Milliy dasturni to`liq ro`yobga chiqarish, mehnat bozorining rivojlanishi va real ijtimoiyiktisodiy sharoitlarni hisobga olgan holda unga aniqliklar kiritish. Majburiy umumiy o`rta va o`rta maxsus, kasbxunar ta’limiga, shuningdek o`quvchilarning qobiliyatlari va imkoniyatlariga qarab, tabaqalashtirilgan ta’limga o`tish to`lik, amalga oshiriladi. Ta’lim muassasalarini maxsus tayyorlangan malakali pedagog kadrlar bilan to`ldirish ta’minlanadi, ularning faoliyatida raqobatga asoslangan muhit vujudga keltiriladi. Ta’lim muassasalarining moddiy-texnika va axborot bazasini mustahkamlash davom ettiriladi, o`kuv-tarbiya jarayoni yuqori sifatli o`quv adabiyotlari va ilg`or pedagogik texnologiyalar bilan ta’minlanadi. Uzluksiz ta’lim tizimini axborotlashtirish amalga oshiriladi. Ta’lim xizmat ko`rsatish bozorini shakllantirish mexanizmlari to`liq ishga solinadi. Uchinchi bosqich (2005 va undan keyingi yillar) to`plangan tajribani tahlil etish va umumlashtirish asosida, mamlakatni ijtimoiyiqtisodiy rivojlantirish istiqbollariga muvofik kadrlar tayyorlash tizimini takomillashtirish va yanada rivojlantirish. Ta’lim muassasalarining resurs, kadrlar va axborot bazalari yanada mustahkamlanadi, o`quv-tarbiya jarayoni yangi o`quv-uslubiy majmualar, ilg`or pedagogik texnologiyalar bilan to`liq ta’minlanadi. Milliy (elita) oliy ta’lim muassasalarini qaror toptirish va rivojlantirish amalga oshiriladi. Kasb-hunar ta’limi muassasalarining mustaqil faoliyat yuritishi va o`zini o`zi boshqarishi shakllari mustahkamlanadi. Ta’lim jarayonini axborotlashtirish, uzluksiz ta’lim tizimi jahon axborot tarmog`iga ulanadigan kompyuter axborot tarmog`i bilan to`liq qamrab olinadi. 3. Kadrlar tayyorlashning milliy modeli Kadrlar tayyorlash milliy modelining asosiy tarkibiy qismlari quyidagilardan iboratdir: shaxs — kadrlar tayyorlash tizimining bosh sub’ekti va ob’ekti, ta’lim sohasidagi xizmatlarning iste’molchisi va ularni amalga oshiruvchi; davlat va jamiyat — ta’lim va kadrlar tayyorlash tizimining faoliyatini tartibga solish va nazorat qilishni amalga oshiruvchi'kadrlar tayyorlash va ularni qabul qilib olishning kafillari; uzluksiz ta’lim malakali raqobatbardosh kadrlar tayyorlashning asosi bo`lib, ta’limning barcha turlarini, davlat ta’lim standartlarini, kadrlar tayyorlash tizimi tuzilmasi va uning faoliyat ko`rsatish muhitini o`z ichiga oladi; fan yukori malakali mutaxassislar tayyorlovchi va ulardan foydalanuvchi, ilg`or pedagogik va axborot texnologiyalarini ishlab chiquvchi; ishlab chiqarish kadrlarga bo`lgan ehtiyojni, shuningdek ularning tayyorgarlik sifati va saviyasiga nisbatan qo`yiladigan talablarni belgilovchi asosiy buyurtmachi, kadrlar tayyorlash tizimini moliya va moddiy-texnika jihatidan ta’minlash jarayonining qatnashchisi. Davlat va jamiyat uzluksiz ta’lim va kadrlar tayyorlash tizimi barcha uchun ochiq bo`lishini va hayot o`zgarishlariga moslashuvchanligini ta’minlaydi. 186 O`zbekiston Respublikasi tomonidan inson huquqlari, ta’lim, bola huquqi sohasidagi shartnomalar va konventsiyalarning bajarilishi, kadrlar tayyorlash sohasida jahon ilg`or tajribasini hisobga olish uzluksiz ta’lim va kadrlar tayyorlash tizimining barcha jihatlariga daxldor bo`lib, uning rivojlanishi omillaridan biridir. 3.1. Shaxs Kadrlar tayyorlash sohasidagi davlat siyosati insonni intellektual va ma’naviy- axloqiy jihatdan tarbiyalash bilan uzviy bog`liq bo`lgan uzluksiz ta’lim tizimi orqali har tomonlama barkamol shaxs fuqaroni shakllantirishni nazarda tutadi. SHu tarzda fuqaroning eng asosiy konstituttsiyaviy huquqlaridan biri bilim olish, ijodiy qobiliyatni namoyon etish, intellektual jihatdan rivojlanish, kasbi bo`yicha mehnat qilish huquqi ro`yobga chiqariladi. «Ta’lim to`g`risida»gi Qonun umumiy o`rta va o`rta maxsus, kasb-hunar ta’limi standartlari orqali sifatli ta’lim olish, shuningdek ta’lim va kasb-hunar jihatdan tayyorgarlikning shakllari va turlarini tanlashni, uzluksiz malaka oshirib borish, zarurat taqozo etsa, tegishli qayta tayyorgarlikdan o`tish huquqini va keng imkoniyatlarini nazarda tutadi. Ta’lim xizmatlarining iste’molchisi sifatida shaxsga davlat ta’lim standartlari orqali sifatli ta’lim olish va kasb-hunar tayyorgarligi ko`rish kafolatlanadi. Ta’lim olish jarayonida shaxs davlat ta’lim standartlarida ifoda etilgan talablarni bajarishi shart. Shaxs ta’lim xizmatlarining yaratuvchisi sifatida tegishli malaka darajasini olgach, ta’lim, moddiy ishlab chiqarish, fan, madaniyat va xizmat ko`rsatish sohasida faoliyat ko`rsatadi va o`z bilimi va tajribasini o`rgatishda ishtirok etadi. Download 5.01 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling