O’zbekistоn respublikasi оliy va o’rta maxsus ta`lim vazirligi namangan davlat universiteti

World Wide Web ( WWW yoki W3, 
Butun jahon o’rgimchak ini) -global miqyosda tarqalgan matnli va multimediyaga oid 
shaklga ega hujjatlar, fayllar va boshqa tarmoq xizmatlarining o’zaro shunday bog’langan 
birlashmasiki, bunda axborotni qidirib topish va hosil qilish amallari, shu jumladan 
foydalanuvchilar o’rtasidagi interaktiv hamkorlik etarlicha tez va intuitiv tushunarli usullarda 
bajariladi. Tim Berners-Li ushbu tushunchaga yanada keng ta’rif berdi: "World Wide Web 
- bu, axborot tarmog’i orqali kirib borish mumkin bo’lgan Universum, inson voqifligining 
timsolidir". 
Web maxsus formatlangan hujjatlar ichidagi axborotni etkazib berish va unga ishlov berish 
imkoniyatini beradigan, Internet uchun tayyorlangan grafik interfeys bo’lib, o’z ichiga uchta 

---

184 
asosiy komponentlarni mujassam etadi, jumladan: Hypertext Markup Language (HTML), 
HyperText Transfer Protocol (HTTP), Universal Resource Locator (URL). 
Gipermatn (hypertext) -hujjatlarni yoki ma’lumotlar bazalarini tashkillashtirish usuli. 
Bunda hujjatlarning yoki axborotlarning tegishli qismlari (parchalari) bir-biri bilan ishoralar 
(links, hyperlinks) vositasida o’zaro bog’lanadi va foydalanuvchiga, fikrlash yo’li bilan, ushbu 
ishoralar bo’yicha tegishli hujjatlar yoki axborotga o’tish imkonini beradi. Ishoralar matn, grafik, 
audio yoki video formatda havola etilishi mumkin. 
HTML (Hypertext Markup Language) o’z ichiga fayl belgilashning dasturiy kodlari 
(markup symbols) yoki teglarni (tags) mujassam etib, ular shriftlarni, qatlam, grafika va boshqa 
Web-hujjatlarga ishoralarni belgilab beradi. 
HTML -World Wide Web konsortsiumi tomonidan tavsiya etilgan format bo’lib, u dasturiy 
ta’minot ishlab chiqaruvchi aksariyat mutaxassislar tomonidan standart sifatida qabul qilingan. 
Tarmoq orqali olib borilayotgan tijorat ishlarining rivoji hamda Web ga nisbatan qo’yilayotgan 
yangi talablar HTML ning modifikatsiya qilinishiga va uning yanada kengaytirilgan shakli - 
Extensible Hypertext Markup Language (XHTML ili XML) vujudga kelishiga olib keldi.