O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti qalandar abduraxmonov, Samandar qurbonov
Birlashgan Millatlar Tashkilotining ta’lim, fan va
Download 1.97 Mb. Pdf ko'rish
|
П INSON TARAQQIYOTI 2 тахрир булди
|
5.3. Birlashgan Millatlar Tashkilotining ta’lim, fan va madaniyat bo‘yicha tashkiloti va uning faoliyat sohalari YuNESKO (UNESCO – United Nations Educational, Scientific and Cultural Organization) Birlashgan Millatlar Tashkilotining ta’lim, fan va madaniyat bo‘yicha tashkiloti bo‘lib, 1945-yilning 16- noyabr kuni tashkil etilgan, qarorgohi Parij shahridadir. BMT 57 ixtisoslashgan agentligi bo‘lmish YuNESKO tinchlikni qaror toptirish, kambag‘allikka qarshi kurash, barqaror rivojlanish, ta’lim, ilm-fan, madaniyat, kommunikatsiya va axborot yordamida madaniyatlararo dialogga ko‘maklashadi hamda shu tariqa 193 ta a’zo mamlakat va 6 ta assostiativ a’zo davlat o‘rtasida xalqaro hamkorlikni qo‘llab-quvvatlaydi. YuNESKO umumiy qadriyatlarni hamda har bir stivilizastiya va madaniyatning qadr-qimmatini hurmatlashga asoslangan ochiq dialog uchun sharoit yaratish yo‘lida xizmat qiladi. YuNESKOning Toshkentdagi vakolatxonasining asosiy vazifasi O‘zbekistonda Kotibiyat nomidan ish yuritish, bu yerda joylashgan butun boshli BMT sistemasi faoliyatini rejalashtirish va amalga oshirishda ta’lim, fan, madaniyat va kommunikatsiya masalalari e’tiborga olinishini ta’minlash, YuNESKO ishlari bo‘yicha O‘zbekiston Respublikasi Milliy komissiyasi hamda mahalliy va xalqaro sheriklar bilan hamkorlikda YuNESKO dasturlarini ishlab chiqish va amalga oshirish uchun fondlarni shakllantirishdan iboratdir. YuNESKOning Toshkentdagi vakolatxonasi hukumatga texnik maslahatlar berish, me’yorlar ishlab chiqish, innovatsion loyihalar va axborot almashuv uchun tarmoq tashkil etish orqali O‘zbekistonda ta’lim sifatini oshirish va ta’lim tizimi imkon qadar ko‘proq kishilarni qamrab olishiga ko‘maklashishdan iborat. Tashkilot, shuningdek, O‘zbekistonning moddiy va nomoddiy merosi kelgusi avlodlar qo‘liga bus-butun yetib borishi uchun muhofaza qilish va qo‘llab-quvvatlash ishiga yordam beradi. Bundan tashqari, YuNESKO madaniy rang-baranglik va madaniyatlararo dialogni taraqqiyot va tinchlikka erishishda o‘ta samarali vosita deb biladi. YuNESKO, shuningdek, ilmiy va texnologik jarayon turli jamoalarning madaniy, huquqiy, falsafiy va diniy merosiga asoslangan axloqiy me’yorlarga tayanishi kerak, deb hisoblaydi. Ushbu tashkilot axborot va bilim olishga hammaning imkoni bo‘lishi tarafdori hamda O‘zbekistonda kommunikatsiya sohasining rivojlanishini qo‘llab-quvvatlaydi. Download 1.97 Mb. Do'stlaringiz bilan baham: 
|