O’zbekiston respublikasi oliy va o’rta maxsus ta’lim vazirligi toshkent arxitektura qurilish instituti

Investitsion faoliyat - investitsiya maqsadlarini amalga oshirish bilan 
bog’liq faoliyat. Investitsiya majmuasini tashkil etish orqali amalga oshiriladi. 
Investitsiya davri - bu investitsiyalarni amalga oshirishning ko’p vaqtli 
jarayoni va ularning asosiy qismi - kapital qo’yilmalardir. U investitsiya 
maqsadlarini shakllantirish hamda ekspluatatsiyaga topshirilgan ob’yektlarning 
loyihaviy texnik-iqtisodiy ko'rsatkichlarga chiqishi o’rtasidagi vaqt bilan 
aniqlanadi. Ba’zi hollarda investitsiya davri ob’ektlarning ekspluatatsiyasi davrini 
ham o’z ichiga oladi. 
Investorlar - investitsion faoliyat sub’ektlari bo'lib, ular o’z va qarz olingan 
mol-mulk hamda intellektual qimmatliklarni investitsiyalash to’g’risida qaror 
qabul qiladi. 
Innovatsiya - bu qurilish mahsulotlariga bo’lgan bozor talabini 
o’zgartiruvchi manbaiga ega bo’lgan, yangi mehnat vositalari (yangi texnikalar)ni 
qo’llash va ushbu tizimning tegishli texnologik, tashkiliy, boshqaruvchanlik, 

---

185 
ijtimoiy va boshqa o’zgarishlar bilan bog’liq qurilish ishlab chiqarish tizimiga 
o’zgartirishlar kiritish jarayonidir. 
Ish haqi - shaxsiy iste'mol uchun foydalaniladigan hamda ishchilar mehnati 
miqdori va sifati bo'yicha taqsimlangan korxona va qurilish tashkilotlari 
daromadlarining ushbu qismidagi pul bilan ifodalangan ishchilarning ulushidir. 
Ishchilarning vaqt me’yori - tegishli kasb va malaka egalari tomonidan 
to’g’ri tashkiliy-texnik shartlarda sifatli mahsulotlar birligini ishlab chiqarish 
uchun talab qilinadigan vaqt miqdori, odam-birlikda mahsulotni o’lchash. 
Ishlab chiqarish me’yori – cheklangan qandaydir vaqt (soat, smena, kun, 
chorak va h.k.) oralig’ida to’g'ri tashkiliy-texnik shartlarda tegishli kasb va 
malakali mutaxassislar tomonidan sifatli ishlab chiqarilgan mahsulotlar miqdori.